隱町

營業中

休息中

朋友生日去左食高質串燒慶祝，平日夜晚去都座無虛席，記得要提前book位！串燒店以席前座位為主，可以睇住師傅燒每串串燒，另外仲有多款壽司同小食提供，款式比一般串燒店多元化，而且所有食物都幾高質！8貫壽司 $328雖然系串燒店，但呢度既壽司質素比想像中好，壽司飯已經調左味，加左wasabi ，所以吾需要再配豉油。款式有大拖羅、中拖羅、油甘魚、左口魚、安康魚肝、瑩光魷魚等等，拖羅幾肥美，最令我印象深刻既系安康魚肝，安康魚肝系日本高級食材之一，平時食壽司比較少見，味道似呑拿魚蓉，咸咸地，好食！汁燒雞肉葱串 $42雞肉燒得幾juicy同嫩滑，以葱同燒汁作調味，吾會過咸。雞食道 $38第一次食雞食道，貌相系一啲腸或者魷魚鬚，聽個名好似有啲可怕，好似難以入口，但因為用燒汁調過味，所以完全無内臟既腥味，而且口感幾爽。豚肉秋葵卷 $38薄片豚肉味道適中，包住秋葵。明太子山藥 $38山藥串燒同樣比較少見，山藥含有好高既膳食纖維，有益消化，冬天天氣乾燥時食更有助滋潤肺部，改善喉嚨乾涸，佢既口感會有少少黏，以明太子調味又有另一種風味！青葡萄豚肉卷 $42青葡萄好大粒飽滿，豚肉燒得有少少脆口，而且完全無油膩感。