一家

營業中

休息中

最近發現筲箕灣都幾多嘢食，今次特登去試下有米芝蓮必比登推介嘅上海菜，餐廳當日都幾多人，食物都無令到我哋失望，真材實料嘅感覺，推介值得一試。上海脆皮素鵝件件脆卜卜，入口又唔會感覺油膩，食到最後凍左都仲係脆口的。蟹粉鍋貼（5隻)鍋貼應該係即整，熱辣辣有脆皮，即食仲會爆汁，食到有蟹嘅鮮甜味道👍👍外婆紅燒肉。墨魚。流心蛋五花肉肥瘦相間，入口帶軟綿綿既感覺，唔會覺得油膩。仲有彈牙墨魚同流心蛋，咩都有得食下，配搭一流又可以食多幾款。蟹粉扒豆苗蟹肉蟹粉份量好多，配上大量鮮嫩既豆苗👍👍扭擰妹頭朋友話飲落酸酸甜甜好開胃，裏面仲有爆爆珠去增加口感。滋濶養生茶店員介紹係自家製作既時令飲品，用咗好多唔同材料，例如雪梨，杞子等，飲落唔會好甜，最近開始進入冬天好岩飲下滋潤一番。高力芒果奶黄（4件）一改傳統既高力豆沙，入面係芒果奶黃，唔會太甜，配上糖粉食用，為呢餐畫上完美句號。