悄悄食堂

營業中

休息中

之前有一個星期日就同另一位家人去咗呢間位雷生春附近嘅一間和風餐廳食午飯。呢間餐廳基本上如果你唔預先訂位，星期日基本上都好難有位。呢間餐廳唔大，座位有限，有普通枱/ tatami 枱/ 吧枱，由於餐廳都多人食，其實都冇得揀。整體嚟講唔算坐得好舒服。午餐通常只得四款餐可以選擇，我嗰日就嗌咗個懵仔魚定食再叫咗杯幾世之昔嘅綠茶latte。條魚嘅味道同埋質感都幾好，係會有少少骨，但都無傷大雅，係個份量偏小。而杯綠茶latte就非常有綠茶嗰種甘味，我個人好推薦。最後埋單兩個人都接近$500 ，以午餐嚟講係會有少少貴。