阿叔泰麵 (積信街) (已結業)

作為一位沙田友又點可以唔試吓哩間泰菜小店呢？💛門外係木門窗、好colourful 裝修好有泰國風情下午嚟到，坐晌窗邊吧枱位感覺好悠閑～食物方面：我食🔸泰北金麵（$62）係椰汁咖哩湯底，香辣、而且好濃，感覺似撈麵。麵底係全蛋麵及炸麵，幾彈牙掛湯。仲有大大隻滷水雞髀，入味又多肉。媽媽食🔸冬陰公湯河（$60）👍🏻湯底酸酸辣辣，又有椰香，好夠味又夠辣！內有鮮蝦、青口、蟹柳、豆卜河粉粗身但滑溜，好食！🔸熱檸蜜（跟餐）👍🏻簡單但好飲！用咗青檸，所以好清香，配蜜糖好滋潤，又唔會好淡，而且都幾大杯！🔸炒通菜（餐+$25）分量都唔少，配馬拉盞炒，咸香惹味。