金沙角美食小厨

營業中

休息中

金沙角美食小厨今次要介紹一間喺沙田博康邨入面嘅熟食中心有一間大排檔叫「金沙角美食小厨」，依家喺香港有特色嘅冬菇亭大排檔已經越來越少，除咗一般出面大排檔有嘅鑊氣小菜等，仲有點心叫添，坐出面同坐入面都得，點心就要出去揀，最正就係呢一間會有斜坡，輪椅人士係可以入去食野，天氣寒冷就唔洗驚係出面吹風！1.大排檔乾炒牛河$65（9/10）呢個大排檔乾炒牛河份量都勁多，牛肉有少少韌，大約有十舊，河粉唔算好油，唔會炒得好濃味，足夠3-4人食，唔錯！2.金銀蛋浸通菜$88（9/10）呢碟金銀蛋浸通菜份量好多，通菜上面係鹹蛋肉餅，通菜唔老唔硬，好新鮮好嫩，唔錯！3.美極煎牛仔骨$145（8.5/10）呢碟美極煎牛仔骨大約有十舊牛仔骨，不過唔算好肥，瘦咗少少，有少少韌，味道就有少少咸！4.扣肉煲$90（8.5/10）呢個扣肉煲有成八大舊扣肉，肉同脂肪比例大約一半一半，不過肉就硬咗少少，入面仲有梅菜，整體唔會好甜又唔會好咸，味道啱啱好！5.鮮蝦粉果$24（9/10）呢籠鮮蝦粉果一籠有三粒鮮蝦粉果，咬落去入面餡料唔算飽滿，味道清清地，見到有蝦肉、紅蘿蔔絲同其他蔬菜，所有點心一律$24！6.鴨腳扎$24（8/10