喜滿樓菜館

營業中

休息中

隔咗一年再嚟幫襯喜滿樓菜館，見到有很多新菜式，上次食完印象都幾好，今次亦都冇失望。第一樣上枱係個爵士燉湯，樓面哥哥話呢個湯全天然成份，有蜜瓜、金華火腿、螺頭同雞腳，冇味精，飲落滋潤清甜用料十足。因為唔鍾意食黑松露，所以叫咗個新菜芝士蝦多士，食落非常彈牙，芝士滲入蝦肉同塊多士，配搭幾好。古法焗魚腸唔會腥，夠晒特色。嚟呢度梗係要食招牌菜之首芝麻雞，皮脆肉嫩，再沾上秘製芝麻醬，唔怪之得呢度台台都叫芝麻雞。呢餐整體分數都𠕇85分。