影片
更多
2017-08-21
39 瀏覽
出左黎旺角行街，朋友話想食台灣野就帶左佢黎上次食過幾正嘅老街，八點多黎到，仲有人等緊位，好彩對方六個人等大枱，我地等細枱下一張就到。好快有位，朋友睇緊餐牌，自己已決定好食乜就望下間餐廳先，上次坐果個位較熱同睇唔到啲海報，原來又真係幾“老”喎，同今次個位勁強勁冷氣，夏天啱哂。魚酥皮蛋豆腐（$29）朋友話想試就試吧，一塊長方形盒裝豆腐，加上皮蛋，木魚，再加醬汁就完成，簡單又好味，滑滑的凍豆腐好正。夜市小香腸（$28）呢個係自己要叫的，台灣香腸真係好好味，甜甜的又脆皮，正。炸豆腐併鹽酥雞（$42）呢個輪到朋友點，佢話要試埋炸豆腐，哈哈，究竟有幾鍾意食豆腐？外層脆皮，豆腐軟滑，加個辣辣地又甜甜地醬汁好好味。不過個鹽酥雞就失望啲了，一舊雞肉粒，唔鹹又唔香口，有待改進。酥炸花枝丸（$26）今次到自己點的，花枝丸彈牙，大大粒，又香又脆，好食。麻醬乾伴麵（$40）點左咁多小食，自己個主食就樸素啲啦，食個乾伴麵就夠了，好香的麻醬，加上麵條煙韌，青爽的青瓜絲，簡單又好味。滿漢大塊牛肉麵（$68）食肉獸朋友繼續決定啖啖肉，要了個full set牛肉麵，哈哈，勁多肉呀，牛展，牛筋牛腩都十分入味，仲有一粒花枝丸
好快有位，朋友睇緊餐牌，自己已決定好食乜就望下間餐廳先，上次坐果個位較熱同睇唔到啲海報，原來又真係幾“老”喎，同今次個位勁強勁冷氣，夏天啱哂。
魚酥皮蛋豆腐（$29）朋友話想試就試吧，一塊長方形盒裝豆腐，加上皮蛋，木魚，再加醬汁就完成，簡單又好味，滑滑的凍豆腐好正。
夜市小香腸（$28）呢個係自己要叫的，台灣香腸真係好好味，甜甜的又脆皮，正。
炸豆腐併鹽酥雞（$42）呢個輪到朋友點，佢話要試埋炸豆腐，哈哈，究竟有幾鍾意食豆腐？外層脆皮，豆腐軟滑，加個辣辣地又甜甜地醬汁好好味。不過個鹽酥雞就失望啲了，一舊雞肉粒，唔鹹又唔香口，有待改進。
酥炸花枝丸（$26）今次到自己點的，花枝丸彈牙，大大粒，又香又脆，好食。
麻醬乾伴麵（$40）點左咁多小食，自己個主食就樸素啲啦，食個乾伴麵就夠了，好香的麻醬，加上麵條煙韌，青爽的青瓜絲，簡單又好味。
滿漢大塊牛肉麵（$68）食肉獸朋友繼續決定啖啖肉，要了個full set牛肉麵，哈哈，勁多肉呀，牛展，牛筋牛腩都十分入味，仲有一粒花枝丸同貢丸，兩款都彈牙，朋友梗係食到大滿足啦，佢話可以飽到聽日都唔使食早餐喎。
蜂蜜綠茶＆巨蜂QQ綠茶（$12/ea）最後又點少得台式飲品，自己點蜂蜜綠茶，朋友點了巨蜂，兩杯都很不錯，沒有過甜抵讚。
叫得太多好飽呀，本來仲諗住去隔離街食甜品添，留返下次吧。
張貼
