波仔記車仔麵

營業中

休息中

正所謂好味抵食嘅野食係值得回味, 所以師傅就算經過尋日身水身汗一役之後, 今日依然決定再戰, 皆因有d掛住呢間食店! 入到去一坐底, 師傅決定柯打未食過嘅野, 於是要左一麵三餸車仔麵, 有魷魚鬚, 魚蛋同埋豬腸配幼麵再加多一碟腸粉, 同埋一樽大可樂!等左一陣, 成碗熱辣辣嘅車仔麵就擺喺師傅面前, 湯底維持水準, 好味但又冇味精, 可以呀; 再試下個魷魚鬚, 魷魚鬚份量幾多, 好大條好爽口, 幾好味; 魚蛋就有四粒, 並唔算特別彈牙, 但就有幾多碎骨, 師傅可以好肯定唔會再叫; 豬腸夠腍身, 好有口感, 好好味; 而幼麵都煮得幾好, 唔會太腍, 配埋個湯底, 都幾好味; 至於腸粉都幾滑身, 份量又唔少, 都得噃! 值得一提係呢度嘅辣手醬都幾好味, 夠香夠辣, 加分!總括黎講車仔麵嘅質素都幾好, 而腸粉質素都唔差, 今日再戰都依然係食到身水身汗, 不過只要係好味, 辛苦一餐半餐又算得咩, 所以一定會仲有下次!