念川居 (MOKO新世紀廣場)

營業中

休息中

又黎到念川居食飯，一星期嚟兩次今次要叫啲溫和少少既。紅油抄手係必點，再懶健康叫咗個魚湯浸菜，一個酸辣湯麵，一個炸血旺粒粒，仲有兩個甜品。朋友推介話個血旺粒好特別，其他地方亦都比較少見，一試又真係唔錯，唔會話好重口味，類似脆皮金磚豆腐，但會煙韌少少。不過要留意呢度冷氣都幾大，呢個餸又凍得快，要盡快食晒去。個酸辣麵都夠酸，唔算太辣，純粹當補充澱粉質，唔錯既個魚湯清清啲，平衡返其他重油重辣既餸，食得輕鬆過上次。抄手依然係咁好食，菜肉餡好香。甜品叫咗兩個，馬豆糕就冇乜特別，但個芝麻卷好香，咬落又煙韌，可以一試。備註：用openrice訂座可以賺里數同埋有九折，記得用喇～