老街 (已搬遷) 新店位置

奶奶好想去台灣旅行，但年事已高，體力有限去不到，佢中意食台灣的食品，今天我和老公、女兒就帶她到旺角豉油街的老街食台灣菜，之前我們食過，真的好好味，好似去左台灣食甘，好正宗！又吾洗加一服務费！老街真的好受歡迎，每次來到都要等位。酥脆鹽酥雞：外層酥脆，雞肉嫩滑，洒上少許鹽，使味道提升，好味！木魚炸豆腐：木魚惹味，加入豆腐炸至外脆內嫩，再加上特製醬汁，非常美味！滷味切豬耳：爽脆、入味！夜市小香腸：我每次食台灣菜，台灣香腸是必食的，外層脆口，內面肉質鮮甜，十分美味！香酥排骨肉燥湯麵：排骨炸得酥脆，肉質入味有口感，湯底鮮甜，麵質滑，好味！三寶肉燥湯麵(轉新竹米粉)：材料有台灣的貢丸、墨丸和小香腸，全部都爽口彈牙，本人特別喜歡新竹米粉，所以加錢轉，米粉爽口彈牙，湯底清甜，鮮甜美味！肉燥豬手湯麵：豬手入味林滑，豬手骨膠原豐富，配麵或米粉都好惹味！凍台灣咖啡十珍珠，凍檸檬紅茶，甜度適中，冰凍解喝！