餃掂手工餃子雲吞專門店

餃掂係其中一間我會再三幫襯嘅餃子店😋相對其他煎餃店，佢勝在分店較多，港島同九龍都有分店，今次就一時興起去左中環嘅分店食餃子😋✨龍鳳松茸湯餃（$86 / 8隻）呢款龍鳳松茸餃係店舖嘅招排菜，相對黎講都較貴。餃子分別有黑松露同白松露兩種款式，包得非常飽滿足料。食落兩款口味嘅味道嘅分別唔大，松露香突出。值得一提嘅係佢個狀元九鼎湯，落左淮山、生魚、豬尾骨等材料去煲，味道非常清甜😋同屋企煲嘅老火湯有得fight🤣✨韮菜煎餃（$47 / 7隻）相比起松茸餃，韮菜餃可以話係價廉物美❤️餃子外皮煎到金黃香脆，同樣係落足料😋咬開脆卟卟嘅餃皮後有啖啖肉汁流出；韮菜獨特嘅香味中和左豬肉嘅酥味，係我每次都必點嘅😋✨回味手拍青瓜（$25）呢到都有唔少小食可以選擇，味道黎講冇餃子咁出色，但都算係中規中矩。手拍青瓜味道偏麻辣，口感爽口，非常開胃。✨蜜餞雞翼（$24 / 3隻）雞翼食落有較重嘅蜜糖味，口感相對較腍，食得出炆左一段時間。