為食火鍋公司

營業中

休息中

幾個同學約出嚟食飯，去咗觀塘間為食火鍋公司，佢哋嘅賣點係冇限時火鍋。餐牌寫咗分4個round食，第一輪係餐前小食，有沙律同炸物等，我梗係食小小就算喇😅。跟住係前菜，有一次性嘅3點刺身，魚生都幾新鮮。第三round係頭盤，可以揀酸菜魚或者雞㷛，我哋就揀咗後者，味道好香，小小辣。卒之到咗主菜 - 火鍋盛宴。有幾種湯底可以俾你去揀。我哋就叫咗藥膳高湯牛尾湯。海鮮拼盤同牛肉拼盤係一次性，各類型嘅肉、丸、蔬菜同其他食物都係可以任點任叫，總之食到你唔食為止。飲品選擇都唔小，再加上冇時間限制，大家一路食，一路吹水，不醉無歸！