為食火鍋公司

營業中

休息中

一家人慶祝母親節一行十幾人齊齊嚟過無限時打邊爐小食方面有薯條、炸大腸、炸雞件、雞腳同沙律味道方面就麻麻冇乜特別 雖然係任食但係叫一輪就差唔多夠之後就上刺身有三文魚 北寄貝同蝦整體嚟講都算新鮮不過係一次性雞煲係任食的調味非常惹味可以自己選擇辣度最出色之處係唔同外間嗰啲一早煮熟晒俾你翻熱佢係調咗味嘅生雞件之後俾你邊焗邊炒慢慢由生煮到熟所以可以煮到嫩口生熟度除自己喜好不過雞煲雖然係任食但係一輪都夠晒之後就開始最期待嘅打邊爐我哋揀咗最新沙嗲牛面頰肉湯底有濃濃沙嗲同花生醬味感覺唔差得過出面專門食沙嗲鍋嘅湯底呢個豪華海鮮拼盤都係一次性基本上冇乜太大特別最好味係帶子 夠晒厚身鱔片都OK 其餘都不過不失之後就到今晚壓軸佢有隻好出色嘅特式牛頸脊同和牛板腱肉其次係北海道豬肉最麻麻係牛胸腹肉比較多肥膏同韌鞋最重要係我哋呢啲咁鍾意食牛嘅人佢上菜速度非常之快基本上可以滿足到所有大胃王佢其餘打邊爐料有黑柏葉 牛骨髓 同埋鴨血都係比較出色黑柏葉同牛骨髓都encore咗幾輪如果你係牛魔王嘅話真係極度推薦你嚟呢度另外呢度都坐得舒服唔會話坐得好迫而且侍應服務質素好好令你有種賓至如歸嘅感覺而且價錢方面性價比好高得閒會再嚟幫

#20250414 🤍📍 #為食火鍋公司 @hotpotfoodiehk 觀塘創業街15號萬泰利廣場地下C號舖➖➖➖➖➖➖➖➖➖➖➖➖➖➖➖➖#冇限時火鍋盛宴 $288/位💭 呢間野位置都算有啲偏僻，唔係特登尼應該無可能會經過😅見佢價錢唔係貴，又可以無限時又好似好多野食咁，所以約埋班frds收工一齊尼試下😏. 🥢 #甜蕃薯條 #唐揚脆炸雞 #蟹籽沙律 #酸甜炸大腸 #鮑汁雞腳 💭 無限時最好就係唔使等齊人先入座，坐住慢慢等都無問題，呢個餐分好多個round，不過決定左落下個round就無得返轉頭🙈所以淨係小食都覆桌左三次，最驚喜係有炸大腸食，唔係度度都有，而且佢係整得幾好食🤤. 🥢 #響螺魚翅燉雞湯 💭 呢個湯本身係並唔係個餐入面，係佢地4週年慶典，只要提早一日訂位就每個食晚市都有盅，個湯好清，啲料都幾足，不過飲完即刻飽左幾%，唔太化算🙂‍↔️. 🥢 #三點刺身盛合 💭 一次性既刺身拼盤，好似好大兜咁，但其實只係咁岩人多，除返開每人得兩片三文魚、一片北寄貝同一隻蝦，質素係ok新鮮既，不過得一次有啲唔夠喉🦐. 🥢 #任食寵寵雞煲 💭 揀左小辣一上枱陣味都有少少攻鼻，不過食落又唔算太辣，係香

地方光猛, 乾淨企理, 服務非常到位, 唔洗你等, 好快手, 食物質素唔錯, 魚生新鮮, 可以每樣都一粒一粒咁點法, 唔洗浪費食物, 非常之好!!只是通風系統不太夠, 食完由頭到尾都係大陣味, 其他全部都滿意

最近我去咗「為食火鍋公司」，試咗佢哋嘅蕃茄湯底米粉、雞扒同炒蛋。首先，蕃茄湯底嘅味道幾清新，但可惜嘅係，湯底量實在有啲少，食落會感覺有點乾，建議加多啲湯，咁樣米粉食落會更加好味。至於雞扒，雖然外觀看落唔錯，但味道方面就麻麻哋，鹹得有少少過火，可能未必符合所有人嘅口味。炒蛋係有鬆化，但整體感覺上冇特別突出。而且，餐廳在繁忙時間人手不足，出菜速度俾我感覺有點慢，等候時間有時會影響到食客嘅心情。雖然環境唔錯，但因為要搭枱，導致整體氣氛有點匆忙，缺少咗放鬆嘅感覺。

最近去咗觀塘一間地鋪食無限時任食火鍋✌️，地點超方便。間鋪食物選擇多到眼花撩亂🤣🤣🤣牛肉、海鮮、丸類、蔬菜樣樣齊！只係差甜品方面需要加強一下...佢地啲牛肉質素非常唔錯🥳🥳，海鮮亦夠新鮮，最正係無限時任食，同埋食火鍋前有啲小食食又有埋酸菜魚❤️❤️，咁正既地方一定要寫下....香港地租金咁貴，竟然搵到個地方可以慢慢歎，唔使趕頭趕命。真心好小見了....整體來講，性價比高，觀塘區打邊爐嘅好選擇！

見到觀塘區有呢間火鍋+魚生刺身（一次性）放題 好似好吸引 就到店試下點知…我地5:30第一枱入店 要點鮮蝦 就已經無晒…而我最期待食蝦 所以好失望刺身方面（6/10） 唔會梅晒 但也不是好甜 正常發揮👋🏻👋🏻因為朋友唔食得辣 所以叫左小辣（店員話有bb辣） 最終決定了小辣唔知係咪因為小辣 成個酸菜魚無乜酸味 也無乜辣味 完全唔食辣的朋友都話唔覺得辣 但里面的冬粉是幾好食 魚應是用了鯇魚 都幾鞋口 不過放題就唔好計較差多（呢個都是一次性 不能再加）海鮮拼盤是一次性 我地4個人就有翻4人份咁 大蜆煮完出想好細粒肉 仲粒粒有沙 蝦就爽彈的 但得地是5:30晚市第一台入店 用code點餐時 鮮蝦已無晒…覺得有點失望牛肉同埋米豚都好食 比出面的放題好食！

環境乾淨，食物質素唔錯，如果有些少甜品，加上一點簡單熱飲，例如茶，咁就更加好！侍應對客要再加強，清潔方面如果可以做得好一點，例如幫客人換下骨碟，而不是將骨碟倒落啲吉盤到畀返個客，感覺會好啲！

平安夜與朋友兩人去到該店，到達時間大概9:30，不需要輪候，現場有幾張吉枱。入到店面，接待嘅女服務員神色非常呆滯、反應遲鈍，佢將我哋帶到去入門口第一張大廳枱。我哋覺得坐喺嗰個位置到完全冇私隱度，唔方便傾偈，所以希望店員幫手安排其他位置。當然，如果現場冇其他位置，我哋亦唔會強求。但係因為時值平安夜，及當時時間已經係夜晚9:30，現場雖然有不少人在用餐，但係亦都有其他靠窗或靠邊嘅位置。我哋禮貌查詢及請求店員安排其他枱給我們。該神色呆滯的女服務員回應說嘗試幫我們安排。過了一會兒，一位男服務員過嚟幫我哋落單。我哋再次詢問位置安排，佢面無表情，正確啲嚟講係黑口黑面，回應我哋落咗單唔可以轉枱。我於是同佢講剛才你哋嘅女服務員話會嘗試幫我哋安排。跟住佢粗聲粗氣咁講：「開咗單冇得轉位㗎喎！邊個應承你？有冇應承過你話係得先！？」我感到愕然，話：「其實一路都同你哋積極溝通話想轉枱，你哋亦都冇提及開咗單唔可以轉枱。如果係，你哋應該處理咗我哋想轉枱嘅意願先。同埋我見到有其他枱，我哋唔介意等多一陣，可唔可以幫手安排？」該男人繼續黑口黑面，粗聲粗氣回答：「冇人應承過喎！落咗單啦！」簡單啲嚟講——你食就食，間嘢唔懮做

我選$368餐，食物中規中矩，最令我不滿意是牛肉份量太少（一次性）及（生菜絲墊底），每款得果6薄片，廚師刀工真是一流，睇得出是一片牛肉切開6少片 。同區呢個價錢可選第二間，真係無下次 。

為食火鍋公司，位於觀塘創業街15號萬泰利廣場地下C號舖。平日為食套餐$288位，無限時任食。 款式多，有甜蕃薯條、唐揚脆炸雞、蟹籽沙律、 酸甜炸大腸、 鮑汁雞腳、三點刺身盛合、雞煲、鮮蝦、大蜆、元貝、脆肉鯇和白鱔片， 還有各款火鍋配料。 湯底鴛鴦鍋$38，蕃茄薯仔+麻辣鍋，麻辣味唔夠出。 推介牛頸脊， 口感有彈性，肉味濃郁。 整體性價比高，仲有無限時打邊爐。🏷️溫馨提示～ 整個用餐體驗均屬個人分享意見， 只作參考😊。

星期一平日夜晚去食 得幾枱人幾個職員輪流係咁問嗌乜 喺側邊徘徊係咁望住一放低個碗就即刻收 碗酸菜魚都未食晒就行過嚟要我哋即刻夾晒落個碗度啲薯粉都未食完就收咗個碗 好反感 好chur 幾百蚊一位食餐飯都要趕人走 仲要大把位 唔會再幫襯

今次同事帶我地黎呢間主打無限時任食既火鍋。個menu有分小食，熟食之後火鍋，係一層層咁落去到最後火鍋既，但食完就只可以落下一round，冇得再叫上一roumd。小食就有炸雞，蟹籽沙律，蕃薯條，炸大腸，鮑汁雞腳，可以任叫直到下round。下一round就係刺身，再之後係雞煲同酸菜魚，刺身同酸菜魚都係一次性既。刺身就有大蝦，海北寄貝，三文魚等，質素都還好。雞煲就好夠味。到火鍋就會上一次性既海鮮，海鮮分別有魚片，蝦，沙白，蠔，帆立貝，size好大隻。另外都會上埋牛肉拼盤，一口牛，肉眼芯，牛頸脊，黃喉等，都係一次性。咁之後就可以任叫其他食材例如美國肩胛肉眼芯，羊卷肉，黑栢葉，紫菜響鈴，雲吞，韮菜餃，蟹籽沙律丸，流心海苔丸，烏冬，出前一丁等。 蔬菜如萵筍，粟米，菇類，蜂巢豆腐就要出去攞。火鍋食物種類以一間火鍋店黎講相對少，係勝在無限時同有唔同round既食物可以品嚐。服務方面啲職員會係咁問你洗唔洗再叫，唔洗就落下round，會好似迫緊你快啲食下一round咁。不過以呢個價錢食咁多round算係咁。係美中不足就係冇甜品提供，想完滿食甜品就要去其他地方食。

餐廳收12:0010:20pm入到去佢話唔比食其實一個鐘就食完，死都話 無師傅 打邊爐啲配料需要啲咩師傅請問其實員工咁想收工不如寫收十點啦 照比90mins 價錢，我食一個鐘咁都話唔比入 老闆知唔知佢會趕走啲客

今天早上經過這店，見到門口甘得意，是狗狗餐廳，入去試下，點了沙爹牛肉麵，味道是可以的，但是服務就有點兒一般般了，首先，下凍檸茶走甜的，確來了是有甜的，詢問員工竟說這杯就是沒有糖，我飲落是冇糖都吾會問你啦??等了成10分鐘還沒有食物，詢問服務員追了一次單，那個應該是大家姐說出緊來，OK然後等了過了5分鐘後還沒有，再問另一個員工都不知道有食物，那員工問那大家姐才有食物，最後，一個簡單的沙爹牛肉麵等了足足成25分鐘😮‍💨😮‍💨甘既態度真的不會再去

香港周圍都係火鍋放題，愈來愈多花招✨呢間火鍋一個價錢，就可以任加小食🥗、刺身拼盤🐟、任加雞煲🐥、無限時自助火鍋無限時火鍋為食套餐 $288✅✅套餐有4步曲包以下食物1️⃣任食餐前小食(唐揚炸雞、鮑汁雞腳、炸大腸、甜蕃薯條、蟹籽沙律)2️⃣刺身盛合3️⃣酸菜魚或雞煲4️⃣火鍋放題+海鮮拼盤+牛肉拼盤Round 1️⃣食法係要遂個step咁食，叫左下一個步曲就無得番轉頭食，小食推介雞腳超入味🐔、🐽大腸脆口唔肥膩 😍Round 2️⃣刺身有三文魚🐟、北寄貝、赤蝦🦐，全部都夠新鮮、彈牙，唔錯👍🏻Round 3️⃣揀左雞煲🐓，小辣都已經好惹味，雞件肉質彈牙👍🏻，仲有埋吸味3寶(牛柏葉、魷魚🦑、豬皮)，雞肉可以任加嫁😍Round 4️⃣湯底種類都好多，有泡菜蜂巢豆腐🐝、藥膳牛尾🐂、鮮茄薯仔🍅、麻辣鍋🌶️等，揀左藥膳牛尾，唔會好重藥味甜甜地唔錯，而且牛尾都好食😋🐮牛肉拼盤新鮮而且夠多部位選擇，亦有牛肉味同🐠海鮮拼盤同樣幾高質，有蠔🦪、大蜆、蝦、元貝等，好新鮮，蜆同蠔都漲卜卜好大隻，正❣️配料推介黑牛柏葉、濃汁牛丸🐮、牛骨髓、鵝腸，好味但每次唔會嚟太多，可以俾你盡量試晒唔同款overall:呢間就做到價錢合理、款式多、質素好，仲要無限時