咩記打邊爐

食飯時間到到都多人，又想靜靜地食又唔甘逼，最後去左呢間。黃金食飯時間上到去唔算多人，二維碼落單，叫咗卜卜蜆濃湯鍋-招牌羊上腦肉：同佢形容嘅一樣，入口香，但又唔會太大（蘇）味-招牌高鈣肉：基本上30秒就已經可以撈上嚟食，相當鮮嫩醬料吧提供嘅醬好得意，我記得有芫荽醬，係幾特別，不過想試返個羊肉味嘅就配返佢哋本身配羊汁，味道甜甜地但好出喺打緊嘅途中有店員會埋嚟同你講有啲海鮮優惠，叫咗個元貝，以為係打邊爐個種，點知原來佢係蒜蓉燒上俾我，ok la 只係我個人覺得浪費咗啫。另外，爆汁鹹蛋魚丸一定要試，好好食！粒粒爆漿！不過因為個鍋偏高身，所以我都大部份係企住嚟打，無咩所謂既，反正氣氛夠兩人埋單連加一共$711