韓雅林

營業中

休息中

本來想去銅鑼灣一期食茶木，點知見到隔離有韓國餐廳就想轉軚，但係見唔到好多人係入面又驚中伏，不過最後諗住博一次試下，結果博中咗，又多1間good food list!😎平時我多數食牛肉，但韓國人鍾意食豬，我就隨俗叫個辣泡菜豬肉飯。同朋友2個人食都有6小碟前菜，泡菜出奇地唔係好辣。最鍾意就蓮藕片，幾爽甜。不過好似唔係枱枱一樣，見其他2個人嘅同我有少少唔同。湯好需要讚!原本以為無咩料，點知勁多蘿蔔好好清甜，勁好味!飯嚟到本來覺得唔係好大碟，但原來可以由頭到尾一啖一泡菜一豬肉咁食，飽到頂住個肚。重點係唔會好滯，認真講就唔多覺好辣，但醬汁唔太油幾好，最後仲有粒雪米糍做甜品。呢餐坐得幾舒服又幾好味，可以再黎呀！