影片
更多
2024-11-28
956 瀏覽
2024年11月13日 星期三已經好多個月無返日本旅行，甚至連廚師發辦都因為工作太忙幾個月冇食，難得今日同老婆兩個都專登收早，一早預約咗上環既呢間餐廳食返個omakase餐廳最近做緊優惠，兩個人嚟食Omakase，第二位可以有低至六折優惠，都真係幾抵食，餐廳有三個套餐提供，我哋就要咗$1380嗰一款，已經有齊前菜、壽司、湯同甜品點完餐等咗一陣前菜就送到，賣相好精緻，分別有靜岡縣既糖漬蕃茄配鹽，酸酸甜甜幾開胃，中間有三重縣嘅螺，用左酒醃過，口感幾煙靭而且整得好入味，右邊就係北海道松葉蟹肉，上面加咗啫喱，增加左口感更加帶出蟹肉嘅鮮味之後師傅就開始陸續送上壽司，由淡味至濃味，先黎有日本愛媛縣嘅鯛魚，上面加左少少柚子皮，食落去更加清新，完全冇腥味之後有北海道嘅厚墨魚，同魷魚唔同口感，一條條疊埋一齊，上面加左青檸汁，口感比較爽彈呢個係日本淡路島既針魚，屬於季節限定，比較有咬口，上面加咗辣嘅蘿蔔蓉令到味道更加豐富跟住有日本既黑陸魚，似香港嘅鱸魚咁，味道比較重少少，燒過之後魚皮有少少脆，上面加咗蘿蔔蓉同蔥花，魚肉味幾濃然後有神奈川縣既梳子魚，即係竹籤魚，裡面加左磨碎咗嘅白芝麻，燒完之後油脂會更加多，
已經好多個月無返日本旅行，甚至連廚師發辦都因為工作太忙幾個月冇食，難得今日同老婆兩個都專登收早，一早預約咗上環既呢間餐廳食返個omakase
餐廳最近做緊優惠，兩個人嚟食Omakase，第二位可以有低至六折優惠，都真係幾抵食，餐廳有三個套餐提供，我哋就要咗$1380嗰一款，已經有齊前菜、壽司、湯同甜品
點完餐等咗一陣前菜就送到，賣相好精緻，分別有靜岡縣既糖漬蕃茄配鹽，酸酸甜甜幾開胃，中間有三重縣嘅螺，用左酒醃過，口感幾煙靭而且整得好入味，右邊就係北海道松葉蟹肉，上面加咗啫喱，增加左口感更加帶出蟹肉嘅鮮味
之後師傅就開始陸續送上壽司，由淡味至濃味，先黎有日本愛媛縣嘅鯛魚，上面加左少少柚子皮，食落去更加清新，完全冇腥味
之後有北海道嘅厚墨魚，同魷魚唔同口感，一條條疊埋一齊，上面加左青檸汁，口感比較爽彈
呢個係日本淡路島既針魚，屬於季節限定，比較有咬口，上面加咗辣嘅蘿蔔蓉令到味道更加豐富
跟住有日本既黑陸魚，似香港嘅鱸魚咁，味道比較重少少，燒過之後魚皮有少少脆，上面加咗蘿蔔蓉同蔥花，魚肉味幾濃
然後有神奈川縣既梳子魚，即係竹籤魚，裡面加左磨碎咗嘅白芝麻，燒完之後油脂會更加多，入口溶化
呢個係北海道噴火灣嘅牡丹蝦，上面係燒過既牡丹蝦蝦膏，所以一啖食落去蝦味好重，蝦肉好彈牙，蝦膏一啲都唔膩
終於去到我最鍾意嘅部份，係長崎縣嘅吞拿魚腩，由於有筋所以師傅切開咗三部份，但係仍然保持魚腩嘅鮮甜同質感，咬落去入口即溶，幸福感即時表露無遺
最後仲有新鮮嘅三文魚子，一抽抽咁上，因為仲有黏膜痴住，三文魚子已經醃好咗所以完全冇腥味，咬落去充滿海水味
甜品有自家製宇治抹茶奶凍，十分滑溜，而且抹茶味好香，又唔會太苦
埋單優惠咗之後每人$1000都唔使就可以食到一餐咁滿足嘅omakase
張貼
