火土燒肉

露營一直係一種好治癒嘅活動，俾自己放空心情。坐喺個營火隔離慢慢煮嘢食，再輕鬆傾計，命都會長啲。但係我一次都冇去過，因為我超級惹蚊，未煮嘢食之前，已經成為人地嘅嘢食。呢度就好啦，地方超寬敞，超有露營感覺。坐喺周圍有帳幕環繞嘅餐枱，心情真係無敵爽。 🍖既然咁好feel，就叫塊靚牛黎食，元祖岡山黑毛和牛肉眼，聽個名知勁啦。味道亦都真係好味，油花分佈均勻，入口即融，最重要系有專人幫你燒呢塊扒，靚嘅牛肉如果自己失手，真係會dum曬心口或者其他身體部位，有專人燒就一定食到最好嘅質素。 🍖另外，我哋叫咗甜橙和牛三叉肉同大三角肉，呢個我哋可以自己燒，肉味香濃，再加埋用香橙醃製過，更加清爽唔油膩。 🍖除咗啖啖肉嘅肉類，其他嘅食物都不容錯過。雞胸軟骨，有別於我哋一般食炸好一粒粒既，呢個真係食到軟骨嘅爽脆，而且周圍有啲肉，需知道凡系痴喺骨隔離嘅肉，一定係最好味，呢個係啊推介之選。 🍖最後就係米飯類別，由於冇乜期待，佢嘅好味程度會令你特別喜出望外。叫咗一個蟹肉蟹膏拌飯，煮完8分鐘之後，竟然有飯焦嘅效果，令到成件事更加貼近露營。而且蟹味突出。但係最正嘅係燒飯糰，呢個勁就勁在，其實唔係自己燒，一上台就食得，個外皮