影片
更多
2018-12-24
154 瀏覽
普天同慶，當日公司包場慶祝聖誕。誰知一入去，第一件事係同我地講打爛一隻杯幾多錢，嘔吐又收幾多錢，可能擔心全部人都會飲醉啦（之後連一杯酒都無幫我地針過）咁人齊就開始食嘢，嘢食望落都好吸引，可能係因為西班牙餐廳嘅關係，每碟餸都比較細。 本來諗住大家食完1round可以再叫多round， 點知被告知原來係冇得加嘢食，就算願意額外俾錢都唔可以作為包場搞聖誕活動，依度啲嘢食真係好唔夠，我哋公司已經係女多男少，好難想像如果正常公司會點。都唔緊要啦聖誕食飯最緊要好氣氛。但估都估唔到，我哋去到10點幾，有部份同事出咗出邊食煙傾計。期間有警察過嚟了解一下點解咁多人，態度都好好，點知店主就黑晒面，之後警察走咗仲不斷責怪我哋。其實大家都係食支煙傾吓計，完全講唔上大吵大鬧，都係正常嘅聖誕Party。個陣仲係十點半。講真，就算覺得我地需要收細音量，都可以用友善態度處理，其實都係基本互相尊重。唔到11點，店主直情叫(Pan) 我地走⋯真係從來都未試過⋯好難再評論間餐廳啲嘢食好唔好，連最基本對客人（或者係對人）嘅態度都唔好，咁點叫人再嚟食呢？可能本身餐廳風格係唔適合接包場活動，希望店主以後唔好再接呢類型嘅生意，或者
誰知一入去，第一件事係同我地講打爛一隻杯幾多錢，嘔吐又收幾多錢，可能擔心全部人都會飲醉啦（之後連一杯酒都無幫我地針過）
咁人齊就開始食嘢，嘢食望落都好吸引，可能係因為西班牙餐廳嘅關係，每碟餸都比較細。 本來諗住大家食完1round可以再叫多round， 點知被告知原來係冇得加嘢食，就算願意額外俾錢都唔可以作為包場搞聖誕活動，依度啲嘢食真係好唔夠，我哋公司已經係女多男少，好難想像如果正常公司會點。
都唔緊要啦聖誕食飯最緊要好氣氛。但估都估唔到，我哋去到10點幾，有部份同事出咗出邊食煙傾計。期間有警察過嚟了解一下點解咁多人，態度都好好，點知店主就黑晒面，之後警察走咗仲不斷責怪我哋。其實大家都係食支煙傾吓計，完全講唔上大吵大鬧，都係正常嘅聖誕Party。個陣仲係十點半。
講真，就算覺得我地需要收細音量，都可以用友善態度處理，其實都係基本互相尊重。唔到11點，店主直情叫(Pan) 我地走⋯真係從來都未試過⋯
好難再評論間餐廳啲嘢食好唔好，連最基本對客人（或者係對人）嘅態度都唔好，咁點叫人再嚟食呢？
可能本身餐廳風格係唔適合接包場活動，希望店主以後唔好再接呢類型嘅生意，或者接之前講清楚。
如果我哋當初知道呢度咁嚴謹，亦都唔會揀呢個地方開party。期待已久，一年只有一次嘅聖誕party就這樣給毁了。
張貼