八瀧

營業中

休息中

Item: 八瀧
Rating: 4
Author: 為食大隻仔

Yataki

4.5

266 食評

味道

環境

服務

衛生

抵食

6563

尖沙咀

$401-800

日本菜壽司/刺身廚師發辦

231

為食大隻仔

等級4

132

大隻仔今次覓食嘅店舖就係💥 八瀧 💥大隻仔今晚去咗一間性價比超高，價錢唔貴嘅日本餐廳食 omakase 廚師發板。中環、元朗比較知名嘅餐廳食 omakase，好多晚市都要$2000起跳，今次大隻仔食呢間餐廳只需 $1388，而且好多道菜，大隻仔未試過食 omakase 可以咁飽，仲要好多道菜都好有驚喜。值得推薦嘅一間餐廳。⋯⋯⋯⋯⋯⋯⋯⋯⋯⋯⋯⋯⋯⋯⋯5⭐️ 超班3⭐️ 一般1⭐️ 差味道 ⭐️⭐️⭐️⭐️抵食 ⭐️⭐️⭐️⭐️服務 ⭐️⭐️⭐️⭐️⭐️環境 ⭐️⭐️⭐️⭐️⭐️⋯⋯⋯⋯⋯⋯⋯⋯⋯⋯⋯⋯⋯⋯⋯⋯🔥 八瀧鮨 $1388 （另加一服務費）1. 蒸蛋 + 海母刺身蒸蛋好滑，淡淡 dashi 味，配上濃郁漬三文魚籽，味道足夠，好夾。海母刺身好爽口，口感似海蜇，海母本身冇味，配柚子酸汁，十分好食。2. 寶盒（水雲 + 白子 + 花螺蟹仔）水雲冇乜味，滑溜溜的，配上新鮮無花果，反而可以帶出淡淡清香，好香果味。鱈魚白子配上柚子醋，白子好滑。汁煮花螺味淡，日本蟹仔好脆，有炭燒味道。寶盒打卡一流。3. 赤崎大船渡牡蠣🦪超級大隻，好新鮮，如果岩季節會更加肥美。可以加紫蘇花穗、菊花片配上蘋果酸汁啫喱一齊食。4. 北海道大蝦🦐成件

2. 寶盒（水雲 + 白子 + 花螺蟹仔）
水雲冇乜味，滑溜溜的，配上新鮮無花果，反而可以帶出淡淡清香，好香果味。
鱈魚白子配上柚子醋，白子好滑。
汁煮花螺味淡，日本蟹仔好脆，有炭燒味道。
寶盒打卡一流。

3. 赤崎大船渡牡蠣🦪
超級大隻，好新鮮，如果岩季節會更加肥美。
可以加紫蘇花穗、菊花片配上蘋果酸汁啫喱一齊食。

4. 北海道大蝦🦐
成件藝術品咁靚，先用蝦頭膏炒香再放回蝦上，底層係蝦油。
超級好食，蝦勁新鮮，勁彈牙，蝦頭膏好香。大隻仔超級推薦呢款食物。👍👍👍

5. 長崎赤鯥
皮燒過迫出魚油香，有燒烤嘅味道，魚好肥美，魚好滑，入口就吞左。
配洋蔥汁好match，可減低油膩感，洋蔥汁係主角，好好味，酸酸嘅汁配生洋蔥不搶喉。
大隻仔超級推薦呢款食物。👍👍👍

6. 白粟米湯配白象拔蚌
白象拔蚌會有少少腥，但好爽口。
粟米湯好香粟米味，好creamy，好好飲，超級正。
大隻仔超級推薦呢款食物。👍👍👍

7. 安康魚肝
上層係魚肝，下層橙色係魚肝油，味道甜甜的，食落滿口油香。
師傅建議一件就咁食，另一件可加少少wasabi一齊食。
加左wasabi、紫蘇花穗一齊食，都有甜味，但會比較冇咁油膩。
好特別，可以一次有兩種食法。
大隻仔超級推薦呢款食物。👍👍👍

8. 白魚湯
配料有大蔥絲、蔥花、豆腐粒、海帶碎、乾腐皮。
魚湯唔會好杰，魚味重而唔腥，好濃好香好鮮。

9. 燒香魚
炭烤味重，魚好肥，打開魚皮勁多魚卵。
燒魚本身冇醃過，冇乜味，點豉油就好好食。

10. 壽司🍣
伊佐木/雞魚 —- 魚滑好新鮮。

深海池魚 —- 好好食，夠新鮮。

銀雪魚BB —- 銀雪魚多數做西京燒，第一次食刺身，魚肉好爽身爽口，好好食。

拖羅 —-有兩層，去筋功夫好好，完全冇筋，入口即溶，有兩層不同拖羅超特別。

金目鯛 —- 皮微微燒過，超肥美，魚油好甘香。

黑鯥 —- 有少少筋，比較有咬口，皮燒過，好香炭烤味。

金線鯛/紅衫魚 —- 入口即化，皮好香炭烤味。

太刀魚/白帶魚 —- 魚肉比較結實，好爽口，表面燒過後好香，有炭烤味。

魷魚海膽 —- 海膽不是季節所以有少少苦。