土耳其小城 (萬昌樓) (已結業)

兩人打算去食特色菜，無意中發現元朗竟然有間土耳其餐廳，好奇之下就去試下。先講講“脆皮鮮奶卷”真係幾正，即製熱辣辣卜卜脆，一咬入面滿滿鮮奶好creamy 又唔過甜，而且粉又唔會厚。整體可以話係脆嘅牛奶。🤤🤤”深海魚柳沙律”嘅魚柳同樣炸得出色，亦係唔會厚粉，入面嘅魚柳係啖啖肉。而生菜，蕃茄，洋蔥都做得新鮮夠爽。🥰🥰主菜“克勒拉雞皇”係愛辣之人必選。佢嘅咖哩係有奶油味，所以辛辣之中好有質感，除咗辛辣嘅香仲有奶香。而雞肉嘅都唔錯唔去話好鞋嗰種。😝😝最後“土耳其薄餅” 一定要點。因為薄餅點咖哩係最正嘅食法。其實呢個薄餅唔點醬已經好好味，個餅皮煙韌而且帶有點奶油味，好香滑。而將薄餅點埋啲咖哩，就將佢味道更加提升。🤪🤪