蟹膳 (已搬遷) 新店位置

同事戚起條筋話要食蟹，就諗起公司附近蟹膳，即刻就訂位！一入門口就見一大缸蟹🦀，唔同品種乜都有，保證新鮮。由於我地6位多人，就比咗樓上獨立房我地，幾好我地幾嘈都唔怕😆不過冷氣就唔係咁夠，有少少熱。我地一行6人都揀咗行政套餐，貪佢又有天婦羅又有毛隻毛蟹😋，當有仲有得免費upgrade 將半隻毛蟹改為燒唔記得咩蟹😅😅待應話燒蟹原本要加錢好似百幾，我地諗住全部轉啦😄點知同事支支佐佐耐咗落單，得番3客燒蟹，咁就各3客啦，share食！前菜有燒支豆，有味但無咩特別，茶碗蒸好滑底下有好大舊蟹肉，甜！天婦羅脆漿唔厚，炸過蟹腳仲保留到鮮味，天婦羅蛋有流心，加埋綠茶鹽好好味，到主菜蟹喇，即劏毛蟹以火煱客人自煮，肉質結實鮮甜，蟹膏味道似海膽非常醇厚嫩滑，而燒蟹腳就啖啖肉，味道濃縮咗更多咗分惹味。之後將烏冬放落蟹火煱煮，蟹湯烏冬👍，最後餐廳仲好貼心送上鮮製薑汁雪糕，驅驅蟹唧寒濕，大滿足嘅一個lunch, 又可以返去嗑嗑😂😂😂