明軒小館

營業中

休息中

餐廳主打多款蟹料理，嚴選名牌大閘蟹原材料炮製，確保客人可以安全、健康、美味又營養豐富嘅菜式。招牌菜為至尊蟹粉正宗蝦仁鍋巴，用鍋上，將蟹粉淋上脆身鍋巴，咋咋聲，味道鮮甜，搭配粒粒蝦仁，令人一試難忘。另外私心推介蟹粉粢飯糕，外層脆身，咬落軟糯，多重口感，一份三件自己一個人都食得晒，好好味😋蟹粉小籠包即叫即整，皮薄餡靚，封口位唔硬，夾上嚟又唔會爆，都幾犀利，湯汁鮮甜濃郁，肉質鮮美，值得一試。禿黃油糯米燒賣煙煙韌韌有咬口，以純蟹膏加蟹油再搭配糯米，出面比較少見、蟹粉蝦仁雲吞粒粒脹卜卜，蝦仁新鮮爽彈，搭配蟹膏同蟹粉都幾夾。唔夠飽嘅建議加埋松茸素菜包，非常鬆軟，餡料滿滿，性價比高。