影片
更多
2023-09-07
80 瀏覽
今晩去咗一間令人難忘嘅餐廳，就係位於灣仔嘅韓式扒房。晩市有兩個套餐，一個係 Korean Feast ($680/位)，另一個係Steak omakase ($780/位)，我哋就揀咗後者，因為我哋都較鐘意食牛。食燒肉一定要飲返啲凍嘢先爽！柚子韓國酒（$110）唔會太甜或太苦，味道啱啱好。提子梳打（$50）好解渴前菜已經好豐富，有六小碟韓現前菜，分别有季節沙律、涼拌芽菜、泡菜、酸蘿蔔、魚仔同菜沙律。仲可以refill㗎！生牛肉他他有驚喜，撈咗生蛋、梨、蒜松子、青瓜同泡菜，個味道同西餐嘅生牛肉他他完全唔同，係更好食，食落仲有啲似吞拿魚添！跟住到主食啦，個牛肉拼盤已經好啱打卡🤣 仲有專人幫你燒，唔怕燒得過熟。我最鐘意食肉眼同牛舌芯，好嫩滑同好重牛脂味。啲肉無醃過，點啲芝麻鹽同柚子辣醬更美味。連粟米同菇仲可以refill！熟成usda帶骨肉眼封門牛柳韓式三筋肉熟成牛舌芯熟成豬梅肉仲有個蔬菜籃畀你包住啲肉食，無咁膩嘛～雖然食完牛都包咗，但仲有主食！海鮮湯好鮮甜，有豆腐、蝦、蜆、翠肉瓜同蘿蔔。西冷脂飯有驚喜，嗰塊簿切西冷入口即溶，配上混入蛋汁嘅白飯，好滿足呀～甜品要加錢，不過非常值得。蜂蜜雪糕（
晩市有兩個套餐，一個係 Korean Feast ($680/位)，另一個係Steak omakase ($780/位)，我哋就揀咗後者，因為我哋都較鐘意食牛。
食燒肉一定要飲返啲凍嘢先爽！柚子韓國酒（$110）唔會太甜或太苦，味道啱啱好。
提子梳打（$50）好解渴
前菜已經好豐富，有六小碟韓現前菜，分别有季節沙律、涼拌芽菜、泡菜、酸蘿蔔、魚仔同菜沙律。仲可以refill㗎！
生牛肉他他有驚喜，撈咗生蛋、梨、蒜松子、青瓜同泡菜，個味道同西餐嘅生牛肉他他完全唔同，係更好食，食落仲有啲似吞拿魚添！
跟住到主食啦，個牛肉拼盤已經好啱打卡🤣 仲有專人幫你燒，唔怕燒得過熟。我最鐘意食肉眼同牛舌芯，好嫩滑同好重牛脂味。啲肉無醃過，點啲芝麻鹽同柚子辣醬更美味。連粟米同菇仲可以refill！熟成usda帶骨肉眼
封門牛柳
韓式三筋肉
熟成牛舌芯
熟成豬梅肉
仲有個蔬菜籃畀你包住啲肉食，無咁膩嘛～
雖然食完牛都包咗，但仲有主食！海鮮湯好鮮甜，有豆腐、蝦、蜆、翠肉瓜同蘿蔔。
西冷脂飯有驚喜，嗰塊簿切西冷入口即溶，配上混入蛋汁嘅白飯，好滿足呀～
甜品要加錢，不過非常值得。蜂蜜雪糕（+$72）- 軟滑不易溶，仲加咗一整舊蜂蜜好特別！
巴斯克蛋糕（+$58）- 芝士味濃郁，但食落又唔會覺得好漏。
張貼
