禾璽牛肉海鮮火鍋

營業中

休息中

今日同朋友黎尖沙咀打邊爐。 朋友話呢間禾璽超高質，完全同出面既好唔同。黎到見到都幾大，有2層既火爐場，地方夠大，抽氣又好，食完唔會一陣味。坐底我地先簡左養生冬瓜盅湯底，黎到竟然真係成個冬瓜盅係中間咁打。 好足料既湯底，紅棗，蟲草花，杞子，元貝，嘩真係足料到爆，剩係飲個湯都好正。 一開始都係飲完個靚湯先再正式打邊爐。 我地再叫左碟吊龍。 開頭唔知咩黎，係店員介紹既頂級靚牛，唔會太肥，有咬口但又會稔稔地，好好牛味，係出名既潮式牛肉而且意外地都幾大碟，好抵食。跟住就係佢個招牌脆皮雞。 開頭以為連住雞皮會唔會好肥，但真係完全唔肥，仲要勁爽脆，雞都好有雞味，絕對唔係全口即溶個種，係真係好味。 而最正仲有個蔬菜藍。 以為冇咩特別就錯啦，蔬菜藍入面既菜一啲都唔普通，有水蓮，花生苗，栗子，馬蹄，蓮藕，紫椰菜，真係好多，而且好新鮮又爽甜，真係出乎意料之外既好味。今次跟朋友出黎食好野真係好開心。