嵐月 (AIRSIDE)

營業中

休息中

Airside係商場界新貴，其實我第一次去，不過真係好好行好舒服，仲係寵物友善🫶🏻今日去入面一日間中菜餐廳，我會認為內外兼備～因為環境舒適好靚之餘，食物質素都唔錯。✨燻汁虎蝦球最喜歡嘅一道菜，味道有驚喜！蝦球微炸彈牙，外層口感酥脆。蝦球外層蘸滿燻汁有煙燻及醬油香，帶微甜，好食！✨桔柚黑鱈魚色澤金金黃黃，黑鱈魚外脆內嫩，魚肉鮮肉完全唔腥。桔柚汁酸酸甜甜，配搭得剛好。✨香煎花膠扒伴三色藜麥花膠扒爽彈軟糯，伴以三色藜麥，非常健康，而且口感豐富。醬汁帶有少少黑胡椒香味。✨仙翁米雞湯浸菜苗仙翁米並唔係一種米飯，而係一種藻類，賣相有啲似魚子，口感爽脆。配上濃郁雞湯同杞子，菜苗鮮嫩入味。✨石獅黑麻糕賣相超級精緻！兩隻芝麻色嘅石獅子好可愛，咬落好有芝麻同牛奶香。