綠茶餐廳 (希慎廣場)

營業中

休息中

內地著名中菜綠茶進軍香港，第一間選址銅鑼灣希慎廣場，景色開揚，環境清新，融合左現代同傳統的設計，坐窗口位用餐體驗特別愉快😍龍井烤雞真係超級驚豔，一上台已經茶香四溢，雞肉外焦內嫩。烤果陣，龍井茶的香氣滲透入雞肉，令成道菜充滿層次感。蝦湯泡飯的蝦湯鮮香濃郁，湯底以新鮮蝦煮成，味道鮮美。泡飯吸收左湯汁，搭配蝦肉非常鮮甜。蕃茄有機花菜，無諗過蕃茄的酸甜味，同花菜咁夾，呢首菜啱曬追求健康飲食的你。最後點少得甜品，心大心細，簡左江南綠茶餅，呢個餅甜度適中，茶香味濃，作為餐後甜品又幾好。飲品都好多選擇，叫左龍井檸檬茶同暴打鳳梨茶。龍井檸檬茶好清新，檸檬的酸味同龍井茶的香氣原來咁夾。鳳梨茶酸酸甜甜，飲完開胃又好心情。知道佢陸續開多幾間分店，等我到時再帶屋企人去先！