曾三仙米綫 (花園街)

營業中

休息中

估唔到香港依家都開咗曾三仙。呢間嘢喺大陸已經有成超過1000間舖。趁住今日路過太子，一於試一試佢嘅米線。今次叫咗一碗蕃茄蝦滑小蘇肉米線同埋一碗清湯米線。嗰款清湯米線配料都好多，有午餐肉、魚片、豬潤、竹笙同木耳。蕃茄湯都幾甜，個蝦滑都幾好食。米線份量都算多而且比較幼身同彈牙，至於個清湯係鍾意清淡口味嘅人不二之選。另外都試咗兩款小食，一款係虎皮雞腳，另一款係磁粑油條。虎皮雞腳都幾入味同埋感覺骨膠原好重。我最鍾意磁粑油條，有啲黑芝麻碎同埋糖喺表面，夾雜住磁粑同埋香脆嘅油條食，非常之夾。