曾三仙米綫 (花園街)

呢間「曾三仙米線」以川渝風味米線聞名，太子分店環境好闊落👍入門口已經聞到陣陣泡椒香氣，期待🤩🌟泡椒三仙米線 ($56) 店員推薦我哋試呢個招牌湯底，佢話辣度係中辣，一上枱試啖湯先，泡椒酸爽帶辣勁，好香😍 配料非常足，有薄切豬潤，非常爽口👍 豬肉絲口感爽滑，而且好入味👍 仲有午餐肉、金針菜、蕃茄，連鵪鶉蛋都有😆 雖然食到流鼻水，但夠爽😆 米線煮到剛剛好，又滑又有口感，唔會煮到腍晒👍 🌟雞湯米線加蝦滑 ($55) 如果唔食得辣，呢個雞湯底就啱晒😎 店員話係堅雞湯，難怪金黃色，飲落咁鮮甜🥰 有好多舊鮮嫩雞肉，加$5蚊嘅蝦滑絕對係正，係手打㗎，非常彈牙🫶🏻 鮮味同雞湯好夾，唔食辣都有好選擇😎🌟重慶現炸小酥肉 ($27)即叫即炸，熱辣辣又脆卜卜，啲肉仲keep 到juicy👍 點唔點辣粉都好食🫶🏻🌟糍粑油條 ($18)呢個配搭我都係第一次食，軟糯嘅糍粑包住脆油條，仲有黑糖，口感層次豐富，甜度啱啱好👍 鍾意食糍粑嘅朋友記得要食😬🌟牛肉餡餅 ($20)都係新鮮熱辣，包住牛肉餡，夠晒酥脆，唔錯👍🌟三仙冰粉涼蝦 （配餐半價$13） 🌟酒釀豆花 （配餐半價$9）甜品半價好抵食😍 碗冰粉好多料，食完辣嘢一啖冰粉，即刻解辣👍 酒釀豆花好滑，酒釀香好特別，甜度適中🫶🏻「曾三仙」嘅湯底夠味，配料夠多，小食有驚喜👍甜品性價比高🫶🏻 今次叫咁多都係百零蚊，抵！…查看更多

餐廳：曾三仙米綫地點：太子花園街菜式：四川米綫餐牌：超多湯底配唔同配料既米綫，湯底包括番茄、滋補、酸菜、籐椒、酸湯、泡椒、雞湯牛油配料有午餐肉、肥腸、蝦滑、酥肉、腰花、嫩肉絲、豬肝、鮮魚片、全素、黑豆花牛肉。可以加菜。另外都有特色必點、霧都粉麵、小食、甜品、飲品。落單用QR code。肉臊土豆泥拌米線 $40第一次食拌米線，米線底上面加有一半滑溜原味土豆泥，唔少夠味肉臊同少少酸豆角碎。用成個鍋上枱，滑溜米線再加上又滑又綿密土豆泥口感獨特。酸豆角帶少少辣，味道唔錯。酸湯鮮魚片米綫 $56酸湯即係比冬蔭公風味酸少少嘅湯底，有油姜辣、大蒜、番茄、檸檬、山棃做出酸度。個人覺得好特別，真係好似冬蔭公，但係湯底係有好濃厚鮮茄味，食到好多新鮮番茄肉。酸湯除左鮮番茄，仲有韭菜同海帶，口感爽脆。幼身米綫分量足，非常滑溜。鮮魚片有幾片連魚皮，嫩滑鮮甜唔會太薄切。黃金炸手打蝦滑 $35黃金炸手打蝦滑用傳統款式碟上枱，好特別。一客7粒，雖然細細粒，但係炸得外脆內彈牙，同甜酸醬同食更好味。五香腐竹 $20呢款小食係新品上市，一客多片，味道唔錯，唔會太辣或者太鹹，健康好味。糍粑油條 $18糍粑油條係一條脆皮小油條包住拉絲糍粑，灑上黑芝麻更香，味道少少甜，有驢打滾風味！紅糖豆花 $9用印有雙囍嘅碟上枱，係一大件白色豆花，加上桂花碎，杞子三粒同紅糖汁。豆花好似布丁，又滑又香，豆味唔會過火，配紅糖漿食夠嗮甜。小吊梨湯 $10小吊梨湯係加左雪耳嘅梨汁，梨汁清甜潤喉，食到爽口雪耳，口感唔錯，好厚身，而且好養生！獨立密封包裝，仲附上獨立包裝紙飲管。呢度有自助調料吧，包括芫荽、蔥花，仲有酸蘿蔔片比你自己攞。今餐食物好有特色，食物質素唔錯，食完唔覺口渴，感覺天然！餐廳環境好乾淨，冷氣好夠凍，服務員態度友善。#曾三仙米綫#太子花園街#四川米線…查看更多

平時一向都係食開啲辣嘅米線，今次來到太子呢間曾三仙米綫食返碗唔辣嘅川渝米線！餐廳有提供多款唔辣嘅選擇～✨蕃茄黑豆花牛肉米線黑豆花嘅特別之處就係餐廳自家製嘅，口感好似一舊海綿，一咬落去就有爆汁嘅效果，帶有一種好獨特嘅煙熏香味！牛肩肉比平時嘅更柔軟嫩滑！仲有海量海帶絲同埋木耳絲襯托住啲米線！蕃茄湯底味道天然，酸甜開胃～✨滋補三仙米線三仙即係有齊哂多款嘅招牌配料，個人最鍾意豬肝同肉絲，口感特別嫩滑！而午餐肉、鵪鶉蛋、竹笙、木耳絲、蕃茄、蟲草花同黃花就令到成個米線嘅口感更加多元化！米線偏幼身，掛汁能力高！藥膳湯底清澈，飲落去當歸嘅味道比較突出，有種好滋補嘅感覺～✨糍粑油條香脆嘅油條包住軟糯嘅糍粑，趁熱食，口感超正～✨重慶現炸小酥肉小酥肉新鮮炸起熱辣辣，酥脆可口，點埋辣粉食得更滋味～✨紅糖豆花豆花與別不同，食落去有啲似有濃厚豆乳味嘅布甸，配搭紅糖甜而不膩！仲有桂花杞子做點綴～✨小吊梨湯帶有雪梨嘅自然甜味，仲飲到粒粒雪耳添～✨生椰拿鐵入口順滑，咖啡同椰奶嘅比例剛剛好～…查看更多

米線就成日食，呢間令我再次光顧嘅當然唔少得有別於一般米線嘅小店 - 曾三仙米線！將重慶川渝風味大道入太子，湯底由藤椒、泡椒到蕃茄，甚至雞湯，都好出色；米線選擇較幼款，令米線吸湯力亦更加正餐廳嘅裝修都好有特色，掛滿唔同嘅菜名同埋招牌，令到你眼花撩亂，乜都想食泡椒黑豆花牛肉米線湯底酸辣又開胃🤤黑豆花並不是很多地方都有，所以今次見到即刻要點，特別之處當然係餐廳自家製，口感好綿，不錯！牛肉比平時更軟身，仲有海帶絲、木耳絲等配料，挺豐富。雞汁三仙米線這款湯底第一次食，而且係新推出，配料有鮮雞、滑雞和豬潤，雞塊多，豬潤爽口，雞湯底鮮甜，不錯！重慶現炸小酥肉（$27）都係即叫即炸，熱辣辣的小酥肉，肉質結實，再配上辣粉一起吃，很惹味。鍋巴士豆薯仔粒被炸得外脆內軟，微辣，一啖一粒剛剛好，不錯，炸得很香口日三仙冰粉涼蝦（配餐半價＄13）用半價食的冰粉特別好味，而且好多料，食完辣再食冰，爽。…查看更多

🍜滋補三仙米線 $56每款米線基本上有9種食材，包含鵪鶉蛋、肉絲、竹笙、木耳、午餐肉、蟲草花、豬肝、番茄、黃花（金針）。滋補米線唔辣嘅，湯底有濃濃嘅當歸味，夠晒滋補！🫑藤椒蝦滑米線$ 60-加鮮魚片$22藤椒嘅辣味好新鮮， 配上鮮魚片、蝦滑，兩種都係新鮮嘅食材 ，喺辣味之餘有滲返陣魚鮮味 。🧆磁粑油條 $18咸中帶甜，兩種味不多不少。份量適中，煙韌的糯米令你要係口入面咬多兩啖，等佢兩種味道再滲出黎。🐮牛肉餡餅 $20行乾身路線 ，無油，但佢個餅身絕對係有陣似印度餅咁嘅咸香，加埋佢d 牛肉餡 ，食落就fit 哂，唔會太油。每啖亦有牛肉味。🥣紅糖冰粉涼蝦 (加配價$9) 啫喱好滑身 ，黑糖水做底。佢有d 酒味，食完辣野後再甜一甜，衝擊下個味覺。佢甜以外，仲有桂花香 。酒香、花香、甜味，加上滑嘅口感 ，多種配合下，呢個甜品一絕。🥤冰糖山楂凍 (加配價 $ 10)甜甜酸酸，好開胃。呢杯入面仲有d啫喱粒，加強咬口。食飽下飲杯山渣凍，消化下，正！…查看更多

曾三仙川渝米線大王位於太子花墟附近，同一條街都有好多間餐廳，曾三仙望落就似好正宗嘅中國餐廳，因為好耐無食麻辣嘢，所以就決定入去試吓。湯底選擇都幾多，原本打算叫牛油火鍋湯底，但係見到備註話強勁麻辣，驚辣得滯，最後揀左泡椒湯底，餸就揀左嫩牛肉同埋豆腐卜，嘢飲叫左冰糖山楂凍、炸蝦滑、紅糖豆花。………………………………………………泡椒湯底米線 ⭐️⭐️⭐️根據餐牌嘅描述，湯底的辣度係屬於中辣，都真係幾辣，我平時食開譚仔三小辣就勉強食到依個辣度，都辣得幾過癮。米線幾滑，軟硬適中。配菜有海帶絲、生韭菜 同埋 番茄，海帶絲有啲黏牙。整體係一般，而且食完會口渴，不過原煲上都幾有特色。⭕️ 嫩牛肉 ⭐️⭐️牛肉份量唔多，而且好大一塊，亦都有筋，麻麻地。⭕️ 蘭花幹⭐️⭐️⭐️⭐️類似豆腐卜，幾吸湯，軟硬程度適中，唔錯。炸蝦滑 ⭐️蝦滑好林，又唔太脆，亦冇咩蝦味，我個人唔太鐘意依種口感。紅糖豆花 ⭐️⭐️⭐️味道幾濃，幾重豆奶味。冰糖山楂凍 ⭐️⭐️⭐️幾清甜解辣，不過山楂味比較淡。…………………………………………………查看更多

想試呢一間米線好耐，今次經過，就入嚟食吓🌟藤椒三仙米線 + 新鮮蝦滑最值得讚嘅係佢嘅湯底，藤椒嘅味道好濃郁，暖胃亦都好開胃，辣度有麻辣、中辣或小辣，自由選擇，而餸有鵪鶉蛋、肉絲、竹笙、木耳、午餐肉、蟲草花、豬肝、番茄、金針，好豐富，我仲加咗佢嘅蝦滑，蝦滑係師傅每日朝早手打製造，新鮮又彈牙🌟滋補黑豆牛花肉米線黑豆味好濃郁，而豆腐花都好滑，有一種入口即溶嘅感覺，牛肉都好嫩，值得一試🌟糍粑油條香港少有嘅一樣小食，一條小油條包住糍粑，一咬落去有兩種嘅口感，又彈牙又脆，好有層次，加上滿滿嘅芝麻，味道更加香⭐️生椰拿鐵 + 茉莉綠茶飲品特別推介生椰拿鐵，椰子味好濃郁…查看更多

米線標價頗高睇openrice見話佢個黑豆花米線有特色經開花墟就試下就咁2個餸黑豆花同牛肉就70蚊杯野飲跟餐就10叫左百香果茶佢係成個煲咁上米線質地正常湯就好普通啦都係個d味精味個牛肉得幾塊🥵舊黑豆花就得一舊其餘就再有配菜佢寫正常辣就中辣但應該只有5小辣個泡椒非常唔出味係一碗非常之咁普通既米線索價70個杯野飲先得人驚調色甜水入面唔知咩事好多渣（係類似檸檬肉揸乾曬剩低d衣咁既質地）杯野就咁叫要20蚊🥵朋友碗面加左肥腸（30蚊）以為會另上但碗面黎時原來加左入去數埋7舊瘦腸（無曬肥膏）索假70蚊朋友問呢度30蚊就係7舊？！侍應表示秤好60g嫁🥵車仔面加多個餸都唔使咁貴真係唔知佢條腸係咩腸其實有時出街食飯望下openrice d comment呢間咁樣都大量好評真係「好奇怪」🧐果然試新野要付出「代價」…查看更多

呢度所有嘅米線（除咗雞汁湯底）原本已經配有九款材料，鵪鶉蛋、肉絲、竹笙，木耳、午餐肉、蟲草花、豬潤、蕃茄同金針，完全係滿足咗平時揀餸嘅煩惱。但見店員極力推介蝦滑，就食左一份，蝦滑入面竟然有真蝦肉，絕對係真材實料。揀湯底嘅時候掙扎咗好耐，了解後明白原來酸湯係用左薑、紅椒、蕃茄做底，所以食入口嘅時候個酸味係由蕃茄而來，非常之香，攞平時鍾意食蕃茄湯底嘅話，呢個力推！如果唔食辣嘅話可以選擇佢哋嘅雞汁三仙米線，我覺得佢要自己做雞汁而唔係雞湯米線真係好準確，雞味極濃！小蘇肉係非常之酥脆，一咬落口嘅時候差啲嚇親！究竟係可以點樣做到？對原本已經好鍾意紅糖糍粑嘅我，佢哋嘅糍粑油條簡直令我大開眼界，口感鬆軟得來又好煙靭，入口唔會覺得好油膩，加上佢用咗好香芝麻味嘅糖帶出甜味，唔會過甜又好香口！力推！通常食完啲咁重口味嘅米線，當然要食番個冰粉過吓口。我鍾意佢嘅配料係清甜而唔係死甜，食完之後唔會覺得甜得濟然後又要食返啲鹹嘢平衡返咁，係一個完美嘅句號。…查看更多

曾三仙米綫 (太子)地址: 香港太子花園街228號地舖....公司盤多肉比我種死左......office 室內無陽光，就決定去買空氣草返來種，更加粗生唔洗打理,haha買完花就去醫肚啦，假日去食下米線，我係可以飽到連dinner 都可以skip ,之後就來個夜跑啦湯有酸辣亦有清湯，大大碗bb辣就可以岩我😂小辣bee bee 胃！料有$54 四鮮有午餐肉，豬腰，鷯春蛋，韭菜蕃茄等等$79 蝦滑米線，加了魚片海鮮大雜燴一板hehe 是淡淡當歸味湯底，蝦滑好有彈牙口感。$18 糍粑油條，釀入油炸鬼炸mochi 粒咁，qq 黏牙有芝麻糖粉飲杯生椰latter coffee 對唔飲得奶架我，椰奶一樣香仲本身有甜度📍元朗西菁街10號好順泰大廈地下16-17號舖📍太子花園街228號地舖📍天后琉璃街7號地舖@tsang_sam_sin.hk…查看更多

坦白講我都係因為呢間野幾多like先去食 如果大家都係因為睇到like數所以想黎試——唔好黎！唔好黎！唔好黎！（重要野講三次）一入去其實感覺已經麻麻地，樓面係兩個女人，後生少少嗰個眼超超、呼呼喝喝，年紀大d嗰位就普通。Ok咁黎得呢d位食野都唔會預你有五星級服務，但都唔洗趕客咁嘅。碗米線一上到黎，我當時呆左。我嗌咗小酥肉米線，映入眼簾嘅係一碗紅油浸住嘅米線，仲有啲甩皮嘅肥肉 。個湯味精、科技樣樣齊，d肉更加唔洗講，劣質肉，一咬就化完全冇口感嗰種。睇到呢度，我諗大家心中都有答案到底嚟唔嚟好。其實香港仲有好多值得大家試嘅餐廳，真心無謂比呢d害群之馬搞衰香港飲食業！…查看更多

今晚食米線，是會再去食的餐廳，特別小食做到幾高質。人均：$100.滋補三仙米線可以連湯飲完的養生米線，有九種豐富材料，有鵪鶉蛋、嫩肉絲、竹笙、木耳、午餐肉、蟲草花、豬肝、番茄、黃花（金針），湯底帶有當歸藥材風味。.藤椒黑豆花牛肉米線小辣多麻，厚實柔柔的黑豆花浸住藤椒湯，還有新鮮嫩牛肉，有蕃茄、海帶絲、木耳、韭菜，性價比好高。.磁粑油條油炸鬼夾上糍粑，加上微甜的芝麻碎，香酥煙韌的口感，好食！.鍋巴土豆必試！！外脆內軟又帶點燒烤孜然香辣味，好好食，驚艷到我！.飲品百香茉莉茶，生椰拿鐵，都是店員推介，師傅早上準備，生椰拿鐵好香椰子香，偷飲老公幾口，好開心！而百香茉莉茶食完辣米線再飲一口，十分順口。.甜品酒釀豆花和飲品一樣都是跟餐半價就食到！冰涼嫩滑的豆花與香甜的酒釀加上杞子一同食，整個口腔都好舒服，由其食完麻辣。…查看更多

曾三仙米線空間夠闊落，冷氣充足，喺炎熱嘅夏天食熱辣辣嘅米線唔洗驚會食到出汗。店員會主動推薦同介紹食物，整體感覺不錯。冒烤鴨米線 $64湯汁濃郁帶有鴨肉嘅香氣，入面有六大舊鴨肉湯底係冒菜嘅湯汁，酸辣中又帶出蕃茄嘅鮮甜對比平時食開嘅米線層次更豐富鴨肉入味唔乾柴，米線吸咗湯汁後更加香濃藤椒三仙米線 $60配料豐富湯底濃郁，只麻不辣內裏嘅「三仙」代表九樣配料包括鵪鶉蛋、肉絲、竹笙，木耳、午餐肉、蟲草花、豬肝、番茄同黃花菜湯底嘅藤椒香氣同食材嘅鮮味完美融合磁粑油條 $18油炸鬼夾住麻糬，表面撒上白糖同芝麻賣相有吸引力。咬落去脆卜卜，內裏嘅麻薯軟糯香甜油炸嘅香氣同白糖嘅甜味混為一體，熱辣辣時食更顯風味鍋巴士豆 $22真係意想不到嘅好食調味酸酸甜甜，好似糖醋骨咁薯仔帶有焦香唔會太膩我自己個人嚟講最鐘意呢個小食，簡單卻有驚喜紅糖冰粉涼蝦 $9幾特別嘅甜品，涼蝦增添不同口感紅糖嘅甜味同冰粉嘅冰涼混為一體，食落去清新解麻冰糖山楂凍 $10甜味偏濃，帶有輕微嘅酸味底下仲有好多啫喱百香茉莉茶 $10甜味較重，茶味都好濃（我會覺得少甜更好）總結：曾三仙米線質素真係意想不到，環境舒適冷氣足，店員服務貼心，食物同價錢嘅平衡做得幾好。整體令人回味，會考慮再嚟試下其他菜式。…查看更多

唔講唔知，太子呢頭原來匿藏咗一間超高質米線專門店！唔止湯底濃郁足料，連小食同飲品都超級有驚喜～今次試咗幾款招牌，款款都真心推薦，絕對會encore！✨🍜【清湯三鮮米線（唔辣）】 湯底一飲就知係用心熬製，鮮甜得嚟唔會口乾，飲完成個胃暖笠笠好舒服～全部都好新鮮！米線吸咗湯之後更加好味，鍾意清淡口味嘅必點！🌶️【冒烤鴨米線（中辣）】 驚喜之作！烤鴨皮脆肉嫩，浸咗湯之後依然保持到香口，中辣湯底香濃帶麻，超級開胃！配料仲有豆皮、芽菜等等，份量多到差啲食唔晒～辣控必試！🍢【小食系列】 ▪️糍粑油條：即叫即炸！油條超脆口，夾住煙韌軟糯嘅糍粑，口感無得輸～點埋煉奶真係邪惡到極點！ ▪️牛肉餡餅：外皮煎到金黃香脆，入面牛肉餡juicy又惹味，咬開仲有肉汁爆出嚟～▪️炸小酥肉：熱辣辣炸起，酥香唔油膩，灑咗少少椒鹽調味，送酒一流！🍹【百香茉莉茶】 食濃味嘢點少得解膩飲品？呢杯茶清香得嚟帶百香果嘅酸甜，唔會過甜，清爽解辣！🍮【冰糖山楂凍】 食飽飽最啱食返個甜品～山楂凍酸甜開胃，口感Q彈，食完米線再食呢個真係完美收官！總結：每款食物都高質有誠意，湯底同配料搭配得恰到好處，小食有驚喜，絕對係太子區值得推介嘅米線店！鍾意食米線嘅朋友唔好錯過～📍 曾三仙米綫 太子花園街228號地舖#太子美食 #米線控 #香港米線 #抵食夾大件 #食評分享 #曾三仙米線 …查看更多

曾三仙米線係源自重慶嘅連鎖品牌，主打藤椒、泡椒、火鍋等多款川渝風味湯底，同埋豐富嘅三仙配料。❤️ 藤椒嫩肉絲米線加豬肝（中辣） 湯底麻香較重，肉絲滑嫩，豬肝無腥味，辣度剛好，非常開胃。❤️ 泡椒三仙米線（大辣） 泡椒湯底酸辣夠勁，三仙配料豐富，鵪鶉蛋、木耳、金針等應有盡有，辣得過癮。❤️ 重慶現炸小酥肉 現炸香氣十足，點辣粉更惹味。❤️ 糍粑油條 外層酥脆，內裡煙韌，灑上芝麻糖粉，甜而不膩，必點！❤️ 百香茉莉茶/冰糖山楂凍兩款飲品清新解膩，酸甜開胃。…查看更多