影片
營業時間
今日營業
11:00 - 22:00
星期一至日
11:00 - 22:00
以上資料只供參考, 請與餐廳確認詳情
最近去咗一間同事們推薦嘅米線店，真係一試難忘！佢哋主打米線，仲要係一鍋鍋咁上🍲湯底同配料都超有心思，今次食咗幾款招牌菜～ 🍅蕃茄鮮魚米線（加嫩肉絲）湯底超級鮮甜，蕃茄味濃郁得嚟唔會太酸，鮮魚片嫩滑得嚟完全冇腥味！加咗嫩肉絲之後，口感更加豐富，每一啖都係滿足！ 🐔雞汁三鮮米線（加牛肉丸，黑豆花）雞湯底好濃郁，飲得出係真材實料熬出嚟！牛肉丸彈牙又多汁黑豆花口感滑溜，帶淡淡豆香，同米線好夾！ 🥬酸辣海帶絲酸酸辣辣好開胃！海帶絲爽脆，調味恰到好處，食完米線再食佢，感覺好清爽～ 🐂牛肉餡餅外皮煎得香脆，入面嘅牛肉餡多汁又入味，咬落去仲有少少肉汁爆出嚟，正！ 🥖糍粑油條呢個真係驚喜！外脆內軟嘅油條，蘸上黑芝麻碎糖食落去有啲似甜品，但又唔會太膩，好特別！ 🥤百香茉莉茶果香同花香好夾，酸酸甜甜，飲落好fresh，夏天飲一流！🥤小吊梨湯梨湯清潤，甜度啱啱好，飲完成個人暖笠笠，喉嚨乾最啱。💕性價比高，湯底同配料都用心製作，環境都乾淨舒服，絕對係會再encore嘅餐廳！唔掛得出面咁多人等位🤣如果你都係米線控，一定要試吓！
繼續閱讀
喺香港好難搵到重慶米線，咁岩位於太子地鐵站附近開咗呢間曾三仙，收左工就去試試。店內裝飾好有重慶特色，紅當當，有好多solgan，好有氣氛！第一次黎，店員推介咗唔同招牌菜，食落好有驚喜！好有重慶風味，啱曬鍾意食辣嘅朋友1）藤椒三仙米線-湯底麻香十足，配料有鵪鶉蛋、蕃茄、豬肉絲等，好豐富，米線幼身幼滑，非常惹味2）肉沫雞脾拌飯-好多肉碎同欖菜，雞髀啖啖肉，酸酸辣辣配住飯食，一流！3）香葱炸肉丸-炸得香脆，但唔會好油膩4）牛肉餡餅-新推出既小食，咬落去爆汁，餡料十足，推介！5）香辣木棉豆腐-豆腐軟滑，食落好開胃6）三仙冰粉凉蝦-係解辣之選，涼粉嘅質感，配上提子乾、爆珠、椰果等，食落透心涼7）小吊梨湯-店內嘅招牌飲品，飲落好滋潤下火
繼續閱讀
藤椒豆花牛米線我地叫咗小辣，都接受到，好香藤椒同麻辣味，好香好惹味，米線加豆花好特別酸菜腰花米線好香濃嘅酸菜湯味，越食越開胃，腰花好爽口，完全冇豬噏味，好新鮮，米線使有好多配料，海帶絲，木耳絲，都好爽口糍粑油條即叫即炸，上枱熱辣辣，油條加糍粑都係第一次食，上面加咗甜甜地嘅芝麻粉，油條入面包住年糕一齊炸，脆卜卜，甜甜地幾特別。香蔥炸肉丸炸得好香口，入面好多肉汁，點埋佢地嘅醬同辣椒粉，幾惹味。生椰拿鐵椰味好香，配埋好濃嘅咖啡香味，又幾夾。小吊梨湯飲落好清潤，唔算太甜，入面仲有粒粒雪耳，增加口感酒釀豆花酒味好香，配埋滑滑豆花，唔錯紅糖冰粉涼蝦冰粉食落透心涼，加埋甜甜地嘅紅糖，非常夾。
繼續閱讀
藤椒三仙米線 $60
湯底帶濃郁嘅藤椒香，微麻微辣，入口唔會太嗆，米線彈牙順滑，而且配料好豐富，木耳爽脆、鵪鶉蛋軟糯、蕃茄、竹笙同蟲草花增添清甜，豬肝嫩滑無腥味，仲有午餐肉同肉絲，份量夠晒飽肚酸菜腰花米線 $60
酸菜腰花米線嘅湯底酸香撲鼻，酸度剛好，帶點微辣，好開胃，腰花切得薄，爽嫩無膻味，食落好juicy，酸菜爽脆，增添咬口同香味冰糖山楂凍 + $10
冰糖山楂凍飲落酸酸甜甜，甜度適中唔會太膩，特別係食完麻辣米線後好解渴香辣木棉豆腐 $22
豆腐咬落帶點Q彈，涼拌醬汁辣度適中，香氣好濃，豆腐吸咗醬汁好開胃重慶現炸小酥肉 $27
小酥肉外皮炸得香脆，肉質軟嫩唔乾柴，仲可以點少少旁邊嘅辣椒粉，份量適中，啱晒配米線一齊食磁粑油條 $18
磁粑油條外層炸得金黃鬆脆，內裡軟糯，帶點糯米嘅黏性同甜味，表面仲有啲黑芝麻糖份，甜甜地食完辣野啱晒解辣📌曾三仙米綫 (太子)地址：太子花園街228號地舖#foodie #美食 #知己相聚 #foodielife #關注 #foodiehk #hkfood #hkfoodlover #foodinhk #igfoodies #吃貨 #吃貨人生 #香港好去處 #香港打卡 #香港美食 #香港探店 #香港美食指南 #相機食先 #香港旅行 #香港餐廳 #foodblogger #foodiegram#曾三仙米線 #太子 #酸菜腰花 #藤椒三仙米線 #冰糖山楂凍 #木棉豆腐 #小酥肉 #磁粑油條
繼續閱讀
餐廳：曾三仙米綫地點：太子花園街菜式：四川米綫餐牌：超多湯底配唔同配料既米綫，湯底包括番茄、滋補、酸菜、籐椒、酸湯、泡椒、火鍋；配料有午餐肉、肥腸、蝦滑、酥肉、腰花、嫩肉絲、豬肝、鮮魚片、全素、黑豆花牛肉。可以加菜。另外都有特色必點、霧都粉麵、小食、甜品、飲品。酸湯黑豆花牛肉米綫 $74酸湯即係比冬蔭公風味酸少少嘅湯底，有油姜辣、大蒜、番茄、檸檬、山棃做出酸度。個人覺得好特別，真係好似冬蔭公，但係湯底係有好濃厚鮮茄味，食到好多新鮮番茄肉。牛肉三塊，好嫩。黑豆花大大件，吸湯之選！酸湯除左鮮番茄，仲有韭菜同海帶，口感爽脆。幼身米綫分量足，非常滑溜。另上一碟醬料比你自己加味，我覺得唔洗已經夠味！有自助調料吧，包括芫荽、蔥花比你自己攞。糍粑油條 $18糍粑油條用傳統款式碟上枱，好特別，係一條脆皮小油條包住拉絲糍粑，灑上黑芝麻更香，味道少少甜，有驢打滾風味！小吊梨湯 $10小吊梨湯係加左雪耳嘅梨汁，梨汁清甜潤喉，食到爽口雪耳，口感唔錯，好厚身，而且好養生！獨立密封包裝，仲附上獨立包裝紙飲管。今餐食物好有特色，食物質素唔錯，食完唔覺口渴，感覺天然！餐廳環境好乾淨，冷氣好夠凍。
繼續閱讀