喜記蟹將軍

營業中

休息中

秋天將至，約埋三五知己食蟹係件開心事。今日約左朋友仔到尖沙咀美麗華廣場食蟹。 我地將近八點到，餐廳好旺人呢。坐底之後點左肉蟹（小份）清酒鮮鮑魚、豉椒炒青口、椒鹽雙拼、乾鍋花菜以及招牌蟹油炒麵。最先黎既係清酒鮮鮑魚，又幾彈牙bor，爽口得黎又有鮮味，酒味唔會蓋過鮑味。豉椒炒青口係出色既，十分惹味，香噴噴，配埋椒鹽雙拼真係想爬多2啖飯啊！個人呢，最鐘意係椒鹽鮮魷，蘸埋汁口感一流。肉蟹到啦，都好大隻，我地請侍應幫忙剪開佢，蟹肉有鮮味，配埋金蒜寧舍香口，啖啖肉好滿足。炒麵同埋花菜都好食，主要係炒得好。建議炒麵配埋金蒜食！會推薦比尖沙咀鐘意食蟹既朋友呢～