噢吧煲煲掂

營業中

休息中

鋪面細細，6張枱，平日6:30左右差唔多滿座。望落似家族小生意， 唔夠人手， 加上煲仔飯需時， 的確要等耐d 。但食物質素的確唔錯， 有小店既味道。 豉汁白鱔煲仔飯白鱔入味 ， 有少量辣椒調味更惹味， 熱辣辣淋上醬油， 煲夠熱有飯焦香，配木瓜魚湯， 唔會好乾， 讚👍🏻窩蛋鮮牛肉煲仔飯牛肉滑又大塊， 都好夠味。油菜 菜心新鮮嫩綠，粗菜心但唔韌。串燒： 燒雞軟骨， 唔乾身燒得岩岩好。燒韭菜， 調味十足。燒豆腐， 串燒調味既煎豆腐。