噢吧煲煲掂

營業中

休息中

去開附近路過見有煲仔飯就入去試試, 煲仔飯款式多, 點咗排骨滑雞加窩蛋, 應該係即叫即做所以要預咗等一陣, 佢會比埋豉油你自己加, 餸既份量好足, 飯焦又剛剛好, 下次會再嚟試埋佢d串燒

店舖不大位置比較少，需要拼桌，點了兩個煲仔飯，份量足，之前不喜歡煲仔飯，因為有些吃到最後只有飯。這家不會！還點了串燒，也不錯，豆卜脆脆的，豬頸肉也很入味！下次再去

之前食過煲仔飯，味道唔錯，都值得返轉頭嘅～（除咗員工嘅態度問題）但早幾日買咗兩個外賣，味道真係唔好食，完全都唔係嗰回事嚟咖喱飯冇咖哩味，魚又霉霉地，真係專心做返煲仔飯算啦仲有就係，外賣加2蚊嘅問題，我都明白外賣兜係要成本，但係2個餐收12蚊外賣兜錢又好似貴咗啲囉。咁當然，可以自己帶外賣兜，咁但係試問如果一般上班族買外賣，點樣帶多個外賣兜去買夜晚餐外賣呢？所以計返整體，如果專注返煲仔飯，的確唔錯加油

噢吧真係一間好正嘅家庭式小店呀！😍👨‍👩‍👧‍👦首先講佢哋嘅串燒，價錢平到你笑呀！💰😄 重點係啲嘢仲要好好食添，真係平靚正！🍢👌講到最出色嘅嘢，一定要提佢哋嘅燒馬友！🐟🔥 個魚油多到爆，香噴噴嘅，食完真係唔捨得擦嘴添！💯😋仲有啲必食推介㗎，好似燒生蠔同醬燒豆腐咁！🦪🍲 燒生蠔鮮甜多汁，醬燒豆腐入味滑溜，真係食完想再嗌多份！🤤👍煲仔飯方面都係一絕！🍚🥘 我個人最推介蝦醬豬頸肉煲仔飯，香濃惹味，啲飯煲到啱啱好有少少焦，配埋嫩滑嘅豬頸肉，簡直係天作之合呀！😘👨‍🍳最正嘅係噢吧係家庭式經營，你感受到佢哋嘅用心同人情味。💖👪 每次去食都好似去咗朋友屋企食飯咁，好有親切感！🏠😊環境可能唔係特別高級，但係乾淨舒服，最緊要係有家的感覺。🌟🏡 店主同職員都好親切，成日笑笑口咁同你傾偈，等你好似同朋友傾偈咁。🗣️😃價錢方面真係良心到爆！💥💰 食到咁好嘢，又唔會肉赤，真係難得呀！總之噢吧呢間小店真係值得大家多多支持！🙌💪 如果你想食啲有人情味又高水準嘅嘢，一定要去試吓！保證你食完會讚不絕口，仲會想再去！😉👍下次約朋友食飯，不如去噢吧啦！相信你哋一定會食得開心，仲可以慳到荷包添！🎉💖 真係一舉兩得啊！

我是這間煲仔飯的常客，小店鋪仔細細，似家庭經營，由於是即叫即做的關係，大概都要等上半小時才能吃，遇上客多的時候，就要再耐心等多一會！.煲仔飯價錢有平有貴，單點價格由$58-$128都有，亦有推出單人及雙人套餐，性價比高👍🏻.今次我叫咗單人套餐A一個煲仔飯➕湯➕3個串燒➕汽水都係$100‼️‼️.▪️是日餐湯章魚蓮藕豬骨湯足料✔️✔️有家的感覺，呢個湯祛濕功能一流，啱晒喺呢個咁濕嘅天氣飲👍🏻.▪️鳳爪排骨煲仔飯材料份量很大，飯帶少少乾身，濕度剛剛好，但大家最關心當然係有無飯焦🤭有呀！係金黃色架，鍾意食飯焦嘅你，一定超愛。之前食過呢間嘅白鱔都好惹味👍🏻👍🏻推介.▪️串燒有腸仔肥牛卷、雞腎、雞軟骨，全部都燒得好好唔會乾身，雞腎好有咬口，串燒汁亦非常入味👍🏻👍🏻.最後仲跟埋罐汽水，埋單只係$100😮😮呢度除咗煲仔飯之外，仲有烤魚、雞煲，而串燒單點亦好多選擇，都係$12-$30 一串左右，燒海鮮就貴少少，絕對係同朋友宵夜吹水之選👍🏻

平日晚上嚟食，好彩唔使排隊，鋪頭位置唔算大，座位唔多，使唔使排隊就睇你好唔好彩喇，我地去嘅時候都基本上客滿。店名叫「煲煲掂」，但其實唔只得煲仔飯，仲有串燒食。三個女仔叫左兩個煲仔飯加十幾樣串燒，份量剛剛好～樣樣野都味道不錯，十分好味算不上，但價錢合理，性價比絕對有。推薦蝦醬豬頸肉煲仔飯煲仔飯熱辣辣上，自己淋醬油，點會唔好食，印象中飯焦唔算多，岩晒我呢啲唔好飯焦嘅人窩蛋鮮牛肉煲仔飯串燒蒜蓉多到不能再多，唔建議食完之後見人

是日凍凍地諗住去食個冬天必吃既煲仔飯，本身已經凍到TT 震，點知去到坐係度等左45分鐘先有得食，間鋪細細，阿姐接左幾單外賣平台 之後已經應付唔黎，然後呆等45分鐘煲仔飯一般般，調味一般，唔算好食，只能說都係一般般，冇下次，餓到想走人甘滯。

叫咗個臘腸鮮牛肉煲仔飯,飯粒濕潤度都不錯,底部亦都有飯焦,但係汁唔夠有啲淡.條臘腸都幾好味不過好肥,牛肉幾滑但係冇乜特別🤔好普通但偏貴😹反而麻辣雞煲不錯,雞件都幾多幾惹味,醬汁好好味👍🏻

去過一次唔會再去 伏到爆 再謂既煲仔飯只係加熱 用錫紙包 飯又硬 料又少 完成無味 最重要d態度差到爆 會返客人轉頭。建議各位千萬不要去 太子我諗最垃圾係呢間 完全俾錢買難受。 。😡

話說今日見唔太肚餓就食下串燒就算啦一入到去唔係好多人 加埋我哋都係得三枱（6:35pm咁就叫左12串左右啦因為我地都唔食辣嘅 所以我地都有揀全部唔辣接單嘅阿叔都有再確認係唔辣就大約7點左右就上曬野食啦 頭個幾串都冇咩野嘅但食多幾串就唔對路點解係辣 我地再睇真啲 見到韭菜勁多辣粉咁因為本人真係食唔到辣咁再叫左野飲同埋同阿叔講啦個阿叔只係問左個廚房 然後就同我地講佢睇錯左然後就沒然後咩都冇又冇sorry又解決問題 個重點係根本唔忙 態度又差 上次去食兩個姐姐都好好人真係嬲 仲要比230蚊 係飲野飽各位您地諗清楚先好去呢間野

鋪面細細，6張枱，平日6:30左右差唔多滿座。望落似家族小生意， 唔夠人手， 加上煲仔飯需時， 的確要等耐d 。但食物質素的確唔錯， 有小店既味道。 豉汁白鱔煲仔飯白鱔入味 ， 有少量辣椒調味更惹味， 熱辣辣淋上醬油， 煲夠熱有飯焦香，配木瓜魚湯， 唔會好乾， 讚👍🏻窩蛋鮮牛肉煲仔飯牛肉滑又大塊， 都好夠味。油菜 菜心新鮮嫩綠，粗菜心但唔韌。串燒： 燒雞軟骨， 唔乾身燒得岩岩好。燒韭菜， 調味十足。燒豆腐， 串燒調味既煎豆腐。

一入到去左低已經勁大陣臭味，調左一次位都仲有味，後尾發現係佢塊抹枱布勁臭勁酸宿，搞到成張枱都係果陣味，成餐飯已經食得好辛苦。我哋叫左一個窩蛋牛肉飯，一個臘腸滑雞飯。等個飯嚟已經等左半個鐘。個窩蛋牛肉飯一到，佢問係咪窩蛋牛肉飯加窩蛋，我哋話冇加窩蛋，佢都即刻話自己落錯單。佢口嗡嗡講左幾句之後行返過嚟問我哋要唔要隻窩蛋，唔要嘅幫我整過。本身已經等左半粒鐘，你落錯單要我再等過？我哋梗係唔制，叫佢𢳂走隻蛋佢 我哋唔要。佢唔肯 係咁話隻蛋𢳂走就唔用得，佢哋收走個飯都係自己食返個飯，一定要整過俾我哋。糾纏左幾分鐘，佢發哂老脾咁拎走個飯，喺我哋面前𢳂隻蛋落垃圾桶，再勁大力擺返上我哋枱。我哋唔係貪你果隻要加$10嘅蛋，你自己落錯單，點解一係要個客埋單，一係要再等過？仲要煲仔飯唔係啲即刻有嘅嘢，咁嘅解決方法完全接受唔到。最大問題係老細嘅態度，由頭到尾都好似我哋得罪佢咁，成餐飯都好難受，幾好食都冇用。加上真係唔係好食，比佢咁樣搞一搞，個煲底燶哂痴哂底，只可以話體驗非常差。絕無下次。完。

星期一晚同同事👩🏻去太子揾食，揾到呢間食煲仔飯、米線、串燒既小店叫「噢吧煲煲掂」。😊睇咗一輪餐牌之後，兩個人點咗一個煲仔飯、一個湯米線、四款串燒、兩款飲品。1️⃣🍚田雞排骨煲仔飯$88田雞排骨肉質嫩滑，煲底有飯焦，配上甜豉汁，好正。👍🏻2️⃣🍜三餸一菜湯米線$55我地揀咗🦑墨魚丸、🐮滑牛、🐟鮮魚腩、蕃茄，米線順滑彈牙，份量十足，用料新鮮，有家既味道。👍🏻3️⃣🍢串燒🍍新鮮菠蘿$18 – 清甜可口。👍🏻🐔雞皮$12 – 烤到又香又脆。👍🏻🐷豬頸肉$22 –肉質腍滑，撒上孜然粉，好惹味。👍🏻🐮安格斯肥牛粒$25 – 牛味香濃，加上孜然粉，好惹味。👍🏻跟煲仔飯送一碗家常湯水，西洋菜豬肉湯！☺️好温暖！💕😋下次想品嚐下佢地其他口味既煲仔飯！🍚🔥❤️

正所謂秋風起食臘味11月頭都仲可以打風天氣涼涼地食個熱辣辣既煲仔飯就最正餐廳除左煲仔飯仲有生滾湯飯,串燒, 羊腩煲煲仔飯款式都算幾多, 有成20款主打即叫即做,等待時間會多D不過可以食到最新鮮滾熱辣既味道都係值得前菜叫左羊肉串同皮蛋羊肉串既孜然味非常夾, 燒完都仲有肉汁.唔錯重口味皮蛋, 佢既蒜泥比起連鎖米線鋪既濃厚叫飯會每人跟碗例湯, 例湯黎講都算幾足料煲仔飯要煮得好都唔簡單,配料係幾時落係好有技巧要預到各樣食材都煮熟已唔老飯要乾身有飯焦, 但飯粒又要有適當既濕潤度田雞&雞臘腸雞~鴛鴦腸+白鱔臘腸同潤腸都好食, 唔係死鹹金黃色既飯焦食咁多肉要叫份菜食下. 平衡下水煮魚如果有埋寬粉係底就更正!雖然話係街坊生意, 坐低見到外賣電話不絕而且8點到係全場坐滿!

天氣開始轉涼，心郁郁想食煲仔飯，於是去咗屋企附近呢間煲仔飯食嘢。雖然門門裝修簡陋，但煲仔飯飯粒粒粒分明，餸都好足料，好好味！！係食過最好味同最正宗嘅煲仔飯，都好抵食！串燒都好夠味，燒得啱啱好😆