醉藥雞 (福榮街)

營業中

休息中

之前食過另一間砂鍋雞堅唔錯，諗住試下呢間比較下。深水埗呢間砂鍋雞款式小d，但有多款唔同小食，當晚腸胃有d唔舒服，唔敢叫麻辣小吃，唯有叫醉三寶試下，牛脷係好淋好滑，但薰碲好鞋，差少少，豬肚無乜特別，但$62一碟冷盤有d貴(因為砂鍋雞都係$68)，呢碟冷盤我個人唔鐘意地方係有桂花。講翻砂鍋胡椒雞，首先湯太多蓋過晒所有材料，第一啖湯飲落好清好水，無雞味但湯面好多油，胡椒味唔夠，雞肉係滑，不過真係無乜雞味好奇怪，銀針粉普通。砂鍋醉藥雞一樣係湯好多，味道重d不過藥材/酒味味蓋過雞味，雞肉都係滑。整體係唔差，不過湯底仲有改善空間，而且砂鍋款式唔夠多。可能我先入為主，比較之下覺得另一間好味d。