壹火鍋

營業中

休息中

今日同兄弟打邊爐，帶咗佢嚟呢度滾滾下，因為呢度個冬瑤卜卜蜆湯底同食物質素都超正，所以想帶佢嚟試下。蜆肉肥美大隻，冬瓜又夠入味，味道清甜帶微辣，超鍾意呢個湯底。刺身拼盤足足有十款咁多非常有誠意，每款刺身都好鮮甜而且冇腥味。每次嚟食都必定會加錢嘅一次性海鮮船依舊咁出色，每位只需加 $50 蚊就可以食到鮑魚、蜆、蝦、帶子、生蠔、龍躉、蟶子同珊瑚蚌，性價比超高。牛肉質素幾精神，可以無限添加嘅食品亦好多、墨魚滑蝦滑必叫。大部份食物都透過 QR code 落單，少部份就放咗出外面，而且仲有膠蓋冚住相當衛生。