壹火鍋

營業中

休息中

晚餐唔知食乜好，屋企人就提議去打邊爐問我有乜好推介，我就帶咗佢嚟呢度開餐，因為呢間火鍋性價比唔錯。餐牌提供多種湯底，我哋揀咗比較少見嘅冬瑤卜卜蜆湯底，另外每位加 $50 蚊追加海鮮船，依家仲有好多優惠做緊，只要係社交媒體分享下就有。湯底未到前刺身拼盤先嚟，刺身拼盤份量超多，有成八款咁多相當有誠意，而且刺身夠鮮甜，自己覺得出色果大喜屋果啲。卜卜蜆湯底要食完啲蜆先再加湯，湯底落咗黑胡椒食落仲惹味，啲蜆好大隻好厚肉 😍 冬瓜又吸晒啲味，呢個湯底真心超正。之後就嚟海鮮船同牛肉拼盤，海鮮船其實好抵食，因為啲海鮮勁新鮮，我每次嚟都會比錢追加，海鮮船有蝦、蜆、鮑魚、帶子、蟶子、生蠔、龍躉肉、珊瑚蚌 🤤 鮑魚同蝦上枱時都仍然郁梗，所以味道都唔洗多講。牛肉拼盤啲牛唔錯，雖然冇加 $50 蚊無限追加，但係本身套餐可以無限叫嗰款質素已經好好，另外基本套餐可無限加嘅海鮮同其他食物都高水準，出面自助區攞嘅丸同餃亦都有膠蓋冚住相當衛生。