影片
更多
2023-10-14
929 瀏覽
同朋友行完銅鑼灣，醒起上網見過韓國十月會舉行文化節，一時興起結果係銅鑼灣附近搵韓式餐廳食晚飯。一入到餐廳，就見到餐廳裝飾好有韓式佈置,餐單內都有韓字，而且，都聽到店員同客人都係講韓文溝通。點菜後，店員馬上送上熱毛巾比我地清潔雙手同韓式八小碟。八小碟中印象最深刻就係小小辣嘅泡菜同高麗菜，非常開胃。韓國海鮮拌飯（160元）第一道菜黎嘅就係韓國海鮮拌飯，一望到就係滿滿的海鮮蓋滿成個鍋，海鮮種類包括大蝦，蜆肉，八爪魚。海鮮份量非常多，基本上每一口都有海鮮，非常好味。韓烤肉 （150元），韓雅林護心肉（150元）第二，第三道菜就係韓烤肉同韓雅林護心肉。兩種肉本身都有調味。較薄身嘅韓烤肉很快熟，咬落去肉質很嫩滑，每一口都充滿肉汁。護心肉相對較厚，烤嘅時間相對較耐，不過厚厚嘅肉質絕對唔會難咬。最貼心嘅係店員會係燒嘅中期會更換一個新嘅烤網。牛肉濃湯（150元）第四道菜就係牛肉濃湯，本來諗住叫碗湯飲下，點知原來配上白飯。碗湯牛肉味非常濃郁，另外上菜時配上鹽，可以自由調教。湯配上白飯一齊食好夾。本以為食完飯埋單嘅時候，韓籍老闆娘仲出嚟同我哋傾下計，仲送左兩碗紅棗茶。作為甜品嘅紅棗茶好濃郁。我覺得喺呢間餐廳
一入到餐廳，就見到餐廳裝飾好有韓式佈置,餐單內都有韓字，而且，都聽到店員同客人都係講韓文溝通。
點菜後，店員馬上送上熱毛巾比我地清潔雙手同韓式八小碟。八小碟中印象最深刻就係小小辣嘅泡菜同高麗菜，非常開胃。
韓國海鮮拌飯（160元）
第一道菜黎嘅就係韓國海鮮拌飯，一望到就係滿滿的海鮮蓋滿成個鍋，海鮮種類包括大蝦，蜆肉，八爪魚。海鮮份量非常多，基本上每一口都有海鮮，非常好味。
韓烤肉 （150元），韓雅林護心肉（150元）
第二，第三道菜就係韓烤肉同韓雅林護心肉。兩種肉本身都有調味。較薄身嘅韓烤肉很快熟，咬落去肉質很嫩滑，每一口都充滿肉汁。護心肉相對較厚，烤嘅時間相對較耐，不過厚厚嘅肉質絕對唔會難咬。最貼心嘅係店員會係燒嘅中期會更換一個新嘅烤網。
牛肉濃湯（150元）
第四道菜就係牛肉濃湯，本來諗住叫碗湯飲下，點知原來配上白飯。碗湯牛肉味非常濃郁，另外上菜時配上鹽，可以自由調教。湯配上白飯一齊食好夾。
本以為食完飯埋單嘅時候，韓籍老闆娘仲出嚟同我哋傾下計，仲送左兩碗紅棗茶。作為甜品嘅紅棗茶好濃郁。我覺得喺呢間餐廳食好似同喺韓國食無太大分別，鍾意韓國食物同文化嘅朋友，可以試下呢間店。
張貼
