影片
更多
2025-02-20
344 瀏覽
今次去咗荃灣廣場係餐廳門口見到兩隻好得意嘅卡通狗狗，諗都無諗就入咗去睇。原來係日本插畫師Matsui嘅作品，餐廳周圍充滿狗狗超級治癒。餐廳環境真係好靚好舒服😌。餐廳以簡約嘅木系家品為主，仲有好大嘅落地玻璃，採光好好✨。空間闊落仲好好彩可以坐到大梳化。番茄天使麵配香煎大蝦 🍝🦐 一上枱就聞到好香蝦味，香煎大蝦外脆內嫩，蝦肉緊實彈牙，食一隻唔係好夠喉。香濃嘅番茄醬均勻地掛住天使麵，天使麵口感啱啱好。😋Cheese Burger Pizza 9" 🍕🍔 呢個Cheese Burger Pizza真係創意十足！真係將Cheese Burger嘅原料變成Pizza，真係令人眼前一亮。Pizza底係脆口餅底，鋪滿咗煙肉、免治牛肉同蕃茄，最緊要有香濃嘅芝士溶化喺上面，每啖都充滿層次感。🍕🍔焦糖芝士蛋糕 🍰 呢個焦糖芝士蛋糕十分推薦！芝士蛋糕面嘅焦糖層香脆，帶有微微嘅焦糖香氣；之後芝士蛋糕部分細膩軟滑入口即溶，芝士味濃郁，配上甜嘅士多啤梨同士多啤梨醬食好正。開心果意大利芝士蛋糕杯 🍰 話就話係芝士蛋糕杯，但係感覺更似開心果Tiramisu。成個杯層次分明，上面開心果碎同開心果mousse，中層有咖啡手
餐廳環境真係好靚好舒服😌。餐廳以簡約嘅木系家品為主，仲有好大嘅落地玻璃，採光好好✨。空間闊落仲好好彩可以坐到大梳化。
番茄天使麵配香煎大蝦 🍝🦐 一上枱就聞到好香蝦味，香煎大蝦外脆內嫩，蝦肉緊實彈牙，食一隻唔係好夠喉。香濃嘅番茄醬均勻地掛住天使麵，天使麵口感啱啱好。😋
Cheese Burger Pizza 9" 🍕🍔 呢個Cheese Burger Pizza真係創意十足！真係將Cheese Burger嘅原料變成Pizza，真係令人眼前一亮。Pizza底係脆口餅底，鋪滿咗煙肉、免治牛肉同蕃茄，最緊要有香濃嘅芝士溶化喺上面，每啖都充滿層次感。🍕🍔
焦糖芝士蛋糕 🍰 呢個焦糖芝士蛋糕十分推薦！芝士蛋糕面嘅焦糖層香脆，帶有微微嘅焦糖香氣；之後芝士蛋糕部分細膩軟滑入口即溶，芝士味濃郁，配上甜嘅士多啤梨同士多啤梨醬食好正。
開心果意大利芝士蛋糕杯 🍰 話就話係芝士蛋糕杯，但係感覺更似開心果Tiramisu。成個杯層次分明，上面開心果碎同開心果mousse，中層有咖啡手指餅，下層仲有啲脆脆。好似將傳統嘅意大利Tiramisu同香濃嘅開心果結合咁，口感非常豐富！😋
Passion Bloom 🍹 呢杯飲品用咗新鮮熱情果整，另外仲跟咗半隻熱情果，打卡一流之餘可以再自行添加👍🏻。梳打味道清新，輕微酸(再加半個熱情果就酸酸地)。熱情果肉同梳打刺激口腔，爽！😍
Raw Coffee ☕ Raw Coffee 本身係杯邊沾滿糖嘅青檸梳打，另一杯係espresso。兩者溝埋飲首先係試到espresso嘅苦，之後有青檸梳打清新酸香，最後再食到仲一粒粒嘅糖。呢杯充滿層次感，醒神又清新！💪
張貼
