How To Live Well (荃灣廣場)

“How to live well”是現代人常提出的問題。餐廳以How to live well為名，喚起我們對生活覺醒。餐廳空間闊落，還採用全落地玻璃，讓人可以放鬆身心之餘，又能吸收外來陽光，心情也豁然開朗。偶然會與朋友來到這裏用膳，一邊享受美食，一邊享受這裡的環境。今晚我們點了……前菜：煙三文魚薄切`醃小蘿蔔`香橙忌廉汁薄切的煙三文魚十分新鮮，不習慣吃生魚的我也吃得津津有味，煙三文魚片搭配醃過的小蘿蔔粒，特別醒胃，是一道不錯的前菜。主菜：扒日本豚肉 220克`肉桂蘋果醬`烤南瓜`法邊豆和水牛芝士六重芝士薄餅 (9")這道主菜顏色吸引，營養又豐富，味道也很好。厚切日本豚肉的脂肪比例平均，肉質內軟、香滑多汁，搭配肉桂蘋果粒、提子乾和粉糯烤南瓜既香甜又飽足，還有清脆法邊豆，是一道色香味俱全的主菜。六重芝士薄餅 (9")用上水牛芝士、貢佐拉芝士、芳提娜芝士、埃文達芝士、車打芝士、巴馬臣芝士和番茄醬，薄脆餅底，再沾上蜜糖，不膩又美味。甜品：檸檬味巴斯克芝士蛋糕我們很喜歡吃巴斯克芝士蛋糕，第一次品嚐檸檬味的巴斯克芝士蛋糕，非常清新，滑溜濃郁不膩，配上忌廉醬又有另一番味道。特飲：Wonderland和Orange & Ginger Green Tea橙薑綠茶Wonderland 特飲有一種夢幻感覺，用上抹茶和椰青水，面層是椰子粉和抹茶，下層是椰子水。喝一口充滿濃郁抹茶味，又有椰青水清甜。Orange & Ginger Green Tea 橙薑綠茶特飲一壼熱橙薑綠茶，以橙皮、薑片和綠茶葉泡成茶，三者混合有橙甜味、薑片辛辣和綠茶清香。秋冬非常適合飲用。…查看更多

難得放假，同朋友去食個long lunch, 揀左依間餐廳慢活一下，環境幾舒服，揀咗對住窗口嘅座位，感覺好開揚，我哋叫咗好多嘢食開心share, 邊食邊傾。芝士明太子玉子燒 $98蛋質滑溜溜好鬆軟，芝士同明太子嘅鹹香好夾，唔會太膩，仲有大量嘅魚子醬舖面，每啖都有鮮味，幾開胃。柚子蜜烤春雞半隻（配烤薯）$148春雞皮烤得香脆，肉質嫩滑juicy，柚子蜜嘅清甜滲入肉入面，中和咗油膩，配埋嘅烤薯外脆內軟，蘸醬食好惹味，仲有配埋其他蔬菜，感覺好健康抵食。香辣蕃茄大蝦波浪粉 $148波浪粉吸晒香辣蕃茄汁，酸香帶少少辣好過癮，大蝦新鮮彈牙，份量都幾足。海鹽布朗尼蛋糕配雪糕 $68甜品即叫即製，上檯時brownie熱辣辣香噴噴，食落口感綿密，海鹽中和咗甜味，配埋冰凍雲呢拿雪糕，一熱一凍好正，甜度啱啱好。飲品方面，Young Man $68 好清爽！係蘋果汁、檸檬汁混埋蜂蜜同茉莉茶，仲有淡淡冷萃咖啡香，解膩一流；Whisky Snow $98 調得幾順，威士忌香氣唔會太衝，朱古力同奶泡好滑，酒味柔和易入口。總體價錢中等，食物同飲品都有驚喜，想輕鬆食餐西式fusion，依間值得試，下次想再試其他款式～評分：最高為5分治癒度：👩‍⚕️👩‍⚕️👩‍⚕️👩‍⚕️抵食度：💉💉💉💉翻兜指數：🩺🩺🩺🩺How To Live Well荃灣大壩街4-30號荃灣廣場L3樓343-345號舖📍荃灣西港鐵站A1出口5分鐘路程#healingbobo #foodie #hkfoodie #foodiehk #香港 #美食 #荃灣  #TsuenWan #荃灣西 #荃灣廣場 #HowToLiveWell…查看更多

在節奏急促既城市中，想尋找恬靜既Cafe食下好嘢、打下卡影相。最近選擇左間高質特色既 How To Live Well ，Cafe好適合平日或週末同好友嘆咖啡、輕食同打卡～入到餐廳以木系裝修為主，日系簡約設計，樓底都幾高，空間感足，好舒適，仲可以坐近窗口位置望下街景，好relax！餐牌裡有好多唔同款式選擇，海鮮、肉類、意粉、Pizza、漢堡、沙律、小食、甜點、咖啡等，真心不錯。先奉上餐湯 - 羅宋湯。一上枱陣陣蕃茄味散發出來，用咗多款蔬菜熬煮而成，少少酸，好開胃，配埋香草麵包，口感鬆軟，田園沙律，翠綠鮮爽。香辣蕃茄大蝦波浪粉           $148波浪粉曲型口感煙韌，唔會偏淋，好有水準！蝦好大隻，肉質爽彈，蝦味濃厚，烤蕃茄好juicy，醬汁帶少少辣，與波浪粉拌勻食好美味。柚子蜜烤春雞 (半隻) 烤薯          $148春雞烤至超香口，外皮酥脆，肉質軟嫩，雞肉食起嚟好juicy，配合薯味濃厚嘅烤薯，西蘭花與車厘茄烤過好爽甜，自家製醬汁味道好清新，食完都唔覺得滯。 芝士明太子玉子燒            $98喜歡玉子燒既我，呢款玉子燒蛋味濃郁，口感綿密，拉絲芝士餡料，面層嘅黑魚子及木魚，帶鹹香味，沾上海苔同沙律醬一齊食，多重口感，必點～海鹽布朗尼蛋糕配雪糕            $68雲呢拿雪糕入面有粒粒雲呢拿籽，好香雲呢拿味，淋上焦糖只係微甜，布朗尼蛋糕焗至外脆內軟，朱古力味濃厚，海鹽帶淡淡鹹香，蛋糕入口即溶，呢款甜品冷熱交融，味道仲特別好味。Young Man           $68依款飲品混合多種材料，蘋果汁、檸檬汁、蜜糖、茉莉花茶及冷萃咖啡，咖啡嘅微苦香氣配搭花茶果汁等，味道甘醇帶點清新，飲落只是少少甜，充滿咖啡同果香味。Matcha Lemonade           $68呢杯充滿日式風味嘅飲品，抹茶、檸檬汁、蜜糖、梳打水，抹茶濃郁甘香，甜度剛剛好，檸檬汁與抹茶結合，口感清香滑順，好fresh。…查看更多

最近朋友話我知這間早前大熱的咖啡店人潮減少，可以衝去食喇。餐廳環境簡約寬敞，擁有文青氣息，坐在梳化上對著落地玻璃窗，慢慢享受美食，感覺格外輕鬆。炸蟹肉球拼薯餅配蜜糖芥茉醬及茄乾醬 $118蟹肉球外酥內嫩，內裡充滿蟹肉絲，味道鮮甜；薯餅香脆充滿薯香，搭配蜜糖芥茉醬，甜酸的味道非常美味。照燒三文魚 180克•西蘭花•扒茄•三文魚籽荷蘭汁 $168三文魚扒分量十足，魚皮香脆，燒汁鹹甜入味，魚肉軟嫩且油香四溢，搭配的三文魚子和荷蘭汁，讓整道菜更加豐富，滋味無窮。TERIYAKI CHICKEN PIZZA（9吋） $138薄脆的餅底塗滿照燒汁，鹹甜可口，雞肉軟嫩，還有紫菜、青蔥、洋蔥和蘑菇的搭配，口感豐富，再加上蛋黃醬，非常美味。開心果巴斯克芝士蛋糕配咖啡忌廉 $78蛋糕芝味濃郁，配有開心果粒和咖啡忌廉，增添了果仁香和咖啡味，甜度剛好，味道唔錯。Tropical Sunrise $78咖啡順口，混合了百香果和橙汁，酸甜可口，果香味突出。Great Things Take Thyme $118雞尾酒以薑啤為底，口感清爽，加入接骨木花和百里香，帶有淡淡的香草味，味道甜美，遠望窗外的風景，感覺非常chill。…查看更多

想搵間環境靚、食物正、又坐得舒服嘅餐廳同朋友chill，呢度係我嘅best choice燒烤汁牛肉沙律．彩椒．辣根牛肉好香口，配上新鮮沙律菜同辣根，酸酸地好開胃，彩椒除咗增加咗顏色之外，亦都帶嚟多一種口感照燒三文魚 180克•西蘭花•扒茄•三文魚籽荷蘭汁呢個三文魚燒得外脆內嫩，裡面啱啱好熟，照燒汁甜甜鹹鹹好惹味，三文魚籽荷蘭汁仲添咗份奢華感，食落得一個字姐：正！🐟黑松露野菌波菜扁意粉黑松露好香，野菌同波菜嘅組合好有層次，意粉煮得啱啱好，軟硬適中。鍾意菌類嘅你一定要試！🍄Wonderland & Floating Fantasy飲品都係亮點！Wonderland 椰子水🥥搭抹茶忌廉泡沫，有啲似Matcha latte🍵，清新又夢幻；Floating Fantasy 就係咖啡加菠蘿汁同Calpis，味道層次豐富，飲完好refresh！🍹自家製巴斯克葱士蛋糕：開心果配咖啡忌廉甜品控注意⚠️巴斯克芝士蛋糕濃郁軟滑，開心果同咖啡忌廉嘅配搭好有驚喜，甜度啱啱好，完美ending！🍰餐廳設計好chill，有大片落地玻璃窗，日抖嘅話採光一流，仲有超舒服嘅梳化位，坐低同朋友傾計真係兩個鐘都唔想走。空間闊落，無論係約會定聚會都好適合🛋️How To Live Well 食物高質，環境又chill，價錢中等想搵個地方同朋友食好西、影靚相、hea一晚，呢度真係唔錯嘅選擇！…查看更多

今晚同朋友去咗荃灣一間文青風格嘅西餐廳，環境溫暖舒適，燈光柔和，仲有輕鬆嘅背景音樂，一入到去已經覺得放鬆，叫幾款招牌菜，全部都好驚喜。麻辣青花椒肉醬玉米片呢個前菜超正！玉米片脆卜卜，淋滿麻辣青花椒肉醬，辣度適中，青花椒嘅麻香同肉醬嘅濃郁交織，真係好開胃香辣蕃茄大蝦波浪粉大蝦新鮮彈牙，蕃茄醬汁香辣帶酸，波浪粉吸晒汁，口感豐富，夠哂辣但又唔會搶走蝦嘅鮮味，食到最後一啖都想再添柚子蜜烤春雞•烤薯雞肉烤到外脆內嫩，柚子香氣清新，配上烤薯嘅香甜，健康又滿足，朋友話比一般烤雞高級好多。Hot’ n Cold Fudge Cup熱朱古力brownie配凍雲呢拿雪糕，佢哋嘅Brownie係偏苦，個人覺得味道幾好，而且外層脆口，內裏鬆軟，真係好回味。Matcha Lemonade抹茶味濃郁，檸檬酸爽解膩Peach Fruit Tea 熱蜜桃茶，淡淡嘅蜜桃香味，飲落去好舒服整體嚟講，呢間餐廳融合創意同用心，每道菜都層次分明，服務親切，價錢親民。…查看更多

黃昏時分在荃灣西一帶趴趴走，晚飯在荃灣廣場選了這間吃西餐的餐廳吃飯。裝修走簡約日系風格，座位闊絡舒適，可以跟朋友好好聊天。頭盤點了煙三文魚薄切配香橙忌廉汁。份量很慷慨呢，有7大片，煙三文魚的鹹香配上清新的香橙忌廉汁挺特別，加上酸酸的醃蘿蔔，很醒胃呢Six Cheese pizza由水牛芝士，賈佐拉芝士，芳提娜芝士，埃文達芝士，車打芝士，巴馬臣芝士六款芝士焗成，芝士香味濃郁，吃下去卻不會有很油膩的感覺。加點蜜糖一起吃，甜味令芝士的味道提升，非常有驚喜。日本豚肉扒非常厚切，肥瘦適中，肉質頗嫩滑。肉桂蘋果大大粒，與豚肉扒一起吃很美味，配菜的烤南瓜也很好吃。甜品點了他們自家製的巴斯克檸檬芝士蛋糕。蛋糕口感綿密，很滿足。特飲Wonderland以椰子水和濃郁的抹茶忌廉調製而成，抹茶很滑，椰子水不會過甜，令整體感覺變得清爽輕盈。面層的少許椰絲令人在舉杯喝這杯特飲時候，聞到陣陣椰香味，卻又不會影響整體的味道，巧妙！橙薑綠茶是沒有添加糖的，吃完整頓飯，最後以這杯熱茶作結，很舒服呢。…查看更多

行完山要食好啲🤞🏻就去左位於荃灣廣場嘅靚靚文青Cafe「How To Live Well」，餐廳以簡約木系裝修為主，配搭綠色植物作點綴，環境開揚舒適，自然光透過落地玻璃灑入，營造出悠閒放鬆嘅氛圍，絕對係閨蜜聚餐同情侶約會嘅好地方👍🏻✔️ STARTER - 炸蟹肉球拼薯餅配蜜糖芥末及茄乾醬〔真心推介😋〕👍🏻 蟹肉球外脆內軟👍🏻 蟹味濃郁👍🏻 真材實料👍🏻 薯餅香脆👍🏻 味道豐富👍🏻 開胃之選✔️ MAIN - 照燒三文魚配三文魚籽荷蘭汁〔真心推介😋〕👍🏻 三文魚厚身👍🏻 表面煎得香脆👍🏻 內裡嫩滑👍🏻 creamy又鮮味✔️ MAIN - 日式照燒雞Pizza 9”〔真心推介😋〕👍🏻 餅底薄脆👍🏻 照燒雞肉嫩滑👍🏻 口感豐富👍🏻 日式風味滿滿✔️ DESSERT - 開心果巴斯克芝士蛋糕配咖啡忌廉〔真心推介😋〕👍🏻 外層微焦👍🏻 內裡綿密👍🏻 開心果味濃郁👍🏻 順滑👍🏻 擺盤精緻👍🏻 打卡一流✔️ DRINKS - Floating Fantasy〔真心推介😋〕👍🏻 espresso與菠蘿汁十分夾👍🏻 清新👍🏻 奶泡綿密👍🏻 層次分明👍🏻 味道獨特✔️ DRINKS - Wonderland〔真心推介😋〕👍🏻 抹茶奶泡香濃👍🏻 椰絲增添口感👍🏻 適合少女…查看更多

今日同朋友去咗荃灣廣場嘅「How to Live Well」食晚飯，一入去環境幾chill，木系枱面配暗灰牆身，打卡都幾有feel。先叫咗個「青蔥芝麻拖羅蝦片」，脆卜卜嘅脆片撈住拖羅蝦肉，芝麻香夠曬濃郁，開胃一流！跟住個牛腹肉200克，切開粉紅色超juicy，配埋烤番茄同南瓜，油脂香搭蔬菜清甜，成個組合好balance。飲品揀咗Wonderland同Violet Sangria，前者係清新抹茶味，後者果香味夠重，微醺唔會太甜，好適合女仔飲。主食嗌咗墨汁意大利粉，巴馬臣芝士香撲鼻，炸魷魚彈牙，連埋墨汁粉嘅鹹香，食到舔舔脷！最後上嘅Garden Party Croffle，牛角包waffle外脆內軟，淋滿creamy醬料加新鮮士多啤梨，甜而不膩，係完美收尾。兩個人性價比算唔錯啦，侍應態度幾好，出餐都算快。呢間嘅fusion菜唔會太花巧，味道都幾有誠意，想hea住食餐好嘅，呢度值得一試。…查看更多

How To Live Well (荃灣)📍 地址: 香港荃灣大壩街4-30號荃灣廣場L3樓343-345號舖最近我去到How To Live Well，這裡的食物讓我驚喜不已，非常值得推薦！✨美食推薦煙三文魚薄切 • 醃小蘿蔔 • 香橙忌廉汁 這道煙三文魚薄切非常新鮮，搭配酸酸的醃小蘿蔔和香橙忌廉汁，味道清新又開胃，真的是完美的開胃菜。扒日本豚肉 220克 • 肉桂蘋果醬 • 烤南瓜 • 法邊豆 這道豚肉真的是太好吃了！肉質鮮嫩多汁，搭配肉桂蘋果醬的甜味和烤南瓜的香氣，還有法邊豆的清脆，整體口感非常豐富。水牛芝士六重芝士薄餅 (9") 這款披薩用上了水牛芝士、貢佐拉、芳提娜、埃文達、車打和巴馬臣芝士，芝士控絕對不能錯過！每一口都充滿了濃郁的芝士風味，真的是太過癮了。🍋🍋巴斯克芝士蛋糕 這道甜品超級推薦！巴斯克芝士蛋糕外焦內嫩，口感滑順，味道濃郁，非常適合作為餐後甜點，讓人心情大好。總的來說，How To Live Well的食物質素非常高，環境也很舒適，適合和朋友聚會或家庭聚餐。期待下次再來享受美味！❤️…查看更多

睇完戲又到晚飯時間，終於有機會試試這間簡約木系裝潢配落地窗的西餐廳，這裡高樓底設計讓空間感覺格外開闊，散落著幾張舒適的梳化座椅和木桌，不會太擁擠，適合一個人靜靜發呆或跟朋友低聲聊天。隨手點了幾樣東西，先來份炸蟹肉球拼薯餅配蜜糖芥末醬。蟹肉球炸得外脆內嫩，一咬下去，蟹肉的鮮甜彈牙感直衝味蕾，配上蜜糖芥末醬，甜中帶點微辣，提升了蟹肉的鮮甜味，薯餅則是另一番風味，馬鈴薯泥壓得綿密，表層微焦香脆，沾點醬汁後，口感層次分明，吃著吃著就停不下來。主菜選了照燒三文魚，魚肉烤得剛好，表面鎖住肉汁，入口滑嫩不柴，那照燒醬的甜鹹平衡得恰到好處，微微焦糖化的邊緣添了點煙燻味，配上簡單的烤蕃茄及西蘭花，吃起來健康又滿足。TERIYAKI CHICKEN Pizza 9‘9吋大小正合2人享用，薄薄的餅底脆口不膩，雞肉塊醃得入味，照燒風味配上香濃芝士，超有日糸風格。甜點時間，點了開心果巴斯克芝士蛋糕配咖啡忌廉，蛋糕表層烤出輕微焦痕，內裡奶香濃郁，開心果的堅果味淡淡滲入，咬一口那種綿滑與微脆的對比，配上咖啡忌廉的苦甜，完全的匹配。Wonderland椰子水跟抹茶一層層呈現出來，喝一口椰水香氣清新輕盈，抹茶味淡淡地滲入口腔中，味道互相平𧗾。Floating Fantasy頂層輕盈泡沫，底下是奶油與Espresso 的融合，搖一搖再吸，咖啡香氣十足，口感順滑。整體來說，這裡的東西不花俏，但每樣都讓人回味。價格中規中矩，環境又那麼自在，下次想偷個懶，就來這裡坐坐吧。…查看更多

❣️荃灣高質西餐How to Live Well❣️同爸爸去荃灣廣場How to Live Well撐枱腳💓真係俾佢哋嘅菜式驚艷到！前菜個蜜桃蝦沙律超有心思🦐爽甜蝦肉撞埋蜜桃同芝麻油醋汁，清新到震，爸爸食到讚不絕口😝主食我哋嗌咗照燒三文魚，魚皮煎到脆卜卜，仲要鋪滿三文魚籽同荷蘭汁，鹹香鮮味一次過爆發😍另外個9寸TERIYAKI CHICKEN Pizza餅底薄脆🍕照燒雞肉份量足，拉絲芝士邪惡到極，兩個人分啱啱好🙌🏻甜品控必試自家製巴斯克芝士蛋糕🍰開心果味濃得嚟唔膩，夾埋咖啡忌廉💚層次感爆棚！飲品方面，我杯Wonder land用椰青水打底，加埋抹茶泡沫清爽解膩😋爸爸杯Floating Fantasy就玩咖啡同菠蘿汁碰撞，佢話飲完成個人醒神晒🤗…查看更多

🦀炸蟹肉球拼薯餅配蜜糖芥末醬及茄乾醬 $118熱辣辣上枱，香噴噴。蟹肉球內有一絲絲蟹肉，好足料，濃味。相反，炸薯餅味道淡淡的，燶邊香脆。佢嘅醬就酸酸地，啱啱好調返佢個濃味同淡味。🐟照燒三文魚 180克,西蘭花扒茄、三文魚籽荷蘭汁 $168魚油非常之香，煎到個外皮脆。個魚油香溝埋啲魚籽，又鹹又香。最重要係一條骨都無，very good。🍕TERIYAKI CHICKEN 9" $138啖啖雞肉，加埋照燒醬，芝士拉絲。加埋洋蔥 、 蘑菇 、蔥、紫菜，9吋pizza 好足料！🍰自家製巴斯克芝士蛋糕 - 開心果配咖啡忌廉 $78好creamy，唔會話成口牛油或硬崩崩。個cream 有香香嘅咖啡味，個cake 唔太香。餐廳好聰明地喺碟上加咗朱古力醬，想甜d就沾埋朱古力食，一流！☕️Tropical Sunrise $78半舊百香果畀埋你。其實佢係咖啡嚟，加咗百香果嘅咖啡，令咖啡變甜。整體味道食緊似橙味朱古力。🥃Great Things Take Thyme $118Cocktail，接骨木花味，淡淡的。最欣賞係整粒球體冰上，keep 住冰涼。…查看更多

荃灣廣場 HOW TO LIVE WELL 被餐廳既環境吸引左入去，落地大玻璃採用自然光，成間餐廳好光猛，係度用餐感覺好放鬆！揀左明太子忌廉汁煙肉意粉 - 黑蟹籽，意粉有唔少明太子忌廉汁好香濃，每一啖意粉都有好多汁，配上鹹鹹地既煙肉同埋魚絲，仲有矜貴黑蟹籽，啖啖都咁好味！再揀左 CHEESE BURGER 薄餅，CHEESE BURGER 唔係只得芝士，有煙肉、免治牛肉同蕃茄，尺寸有 9” 同 12” 任君選擇！凡惠顧主餐牌 主食／意粉或飯 +$15 配湯或沙律及餐包，南瓜湯香甜濃郁滑順，絕對值得 +$15 要一碗。…查看更多

好在同朋友早啲嚟咋，仲可以有個窗邊位，到咗七點已經好多人。餐廳行日式風，木系餐桌俾人好舒適嘅感覺我哋嘅前菜要咗個蜜桃蝦沙律，非常清新之選香甜主菜係照燒三文魚配荷蘭汁，三文魚扒非常厚身，皮煎得夠香，但中間仲係非常嫩滑，配上荷蘭汁味道更加香濃再嚟照燒雞薄餅，薄底嘅pizza配上有大阪燒風嘅醬汁，呢個配搭好味，充滿日式風情估唔到巴斯克芝士蛋糕配咖啡忌廉係咁夾，好好食呢度仲有Cocktail飲，其他嘅飲品都係好有特色架…查看更多