土耳其小城 (萬昌樓) (已結業)

夜晚過來元朗同朋友會面，然後佢同我推薦左呢間元朗廣場附近一間特色餐廳。餐廳選擇非常多，豐儉由人。未見過一間餐廳餐牌有咁多選擇。由單點到套餐，真係多到花多眼亂。我地選擇左個印度咖喱雞同蒜油烤餅。印度咖喱雞，雞肉勁大件，而且雞肉份量勁多。雞肉好嫩滑，咖喱汁勁香，食得出佢擺左好多香料落去煮，唔係單單咖喱咁單調。所以我地總叫左個蒜油烤餅來配搭。蒜油烤餅又勁大份啦，而且重蒜油味，個烤餅烤得勁脆口。配埋個咖喱雞汁，真係好食到難以言喻來形容到。其次選擇左個特色烤野雞肉卷餅，呢個雞肉卷餅一分為二，勁厚身同足料，食落勁juicy，雞肉醃製非常入味到，最意象不到係雞肉卷竟然有薄荷醬料，真係無想過薄荷醬竟然同雞肉卷咁夾，總要係唔油膩。小食選擇左個香酥茄子夾雞，呢個真係充滿驚喜，烤到軟淋淋茄子中間塞滿醃好雞肉，加埋醬汁，又唔會太油膩同雞肉唔會太乾身，茄子炸到脆卜卜配埋個雞肉，內脆內軟。