鵜舞

營業中

休息中

平時行過d2 place 最底下有幾間餐廳門面都好靚，今晚book左呢間日本餐廳做生日飯試試。剩係門口都以木系設計，都好有特色，原來入面地方超大，簡直身處日本一樣。天花擺滿日本燈籠，牆身貼滿海報，全餐廳用上木系，環境簡直一流，好有氣氛！我地要左小食魚翅干、同明太子腩肉串，明太子玉子燒，呢個賣相好靚，半熟既玉子包滿明太子，夠哂香滑。要左吞拿魚腩卷，吞拿魚好肥美同新鮮，卷物做得好好，唔會鬆散！主食要左金星黑豚，其實係吉列炸黑豚豬扒，呢個超好食，必點！佢既炸粉好薄不膩，用上黑豚肉，所以入口非常腍軟，加上厚切大啖肉，油脂均勻。同仲要左個鹽燒雞髀肉，雞肉好嫩滑，配埋蕎麥麵，懷念日本既味道。成餐飯唔算特別平，但係當節日慶祝，食過環境氣氛好值得一試！