悅滿軒

@美孚跟好友去咗饒宗頣文化館，行完學到好多嘢。之後就跟朋友去咗呢到嘅「悅滿軒」食飯，佢話正就試下。一開始仲有佢哋免費送嘅自家製蕃茄包再加牛油，香脆。自家製意粉配蟹肉//里考塔芝士//南瓜汁 ($258)我中意食南瓜，所以叫咗呢個，食落口感好creamy。份量算適中，啲芝士唔會搞到好膩。蟹肉都冇揸流攤，有四隻鉗仔。炒雜菌 ($68)突然間好想食啲菜，就平平哋叫咗呢個炒雜菌。用牛油+香蒜炒超級香冇得輸，份量都唔少。自家製甜薯條 ($68)薯條我就一般般，但係我好鍾意食番薯條！咬落去甜甜哋，又脆！阿拉斯加焗雪山 ($98)呢個甜品好多人食，賣相一流！一上到嚟就會點火，簡直係一個表演。食落去冰火交融，表面係燒熱咗嘅cream，中間係朱古力蛋糕，裏面係雲呢拿雪糕。