影片
更多
2024-12-08
315 瀏覽
有朋自遠方來，當然要同佢食餐好嘅☺️ 知道朋友仔對 #日式料理 情有獨鍾，一於帶佢嚟 #小秘書 嘅飯堂「七福神和食亭」 試吓🤤 可能係長假期嘅關係，中午時段餐廳幾乎滿座，好彩我醒目一早訂咗位，服務員早已預留咗卡位俾我哋🤤 整間餐廳嘅擺設好有日式風味，感覺就好似喺東京完街，夜晚去搵食一樣，好有歸屬感🥰 第一次中午時段幫襯，原來佢哋嘅 #日式定食 都幾多選擇，我哋先嚟兩個 #定食，再叫咗個 #八品刺身盛盒 同 #小食，一於不飽無歸🤭🤭#八品刺身盛盒 🐟滿滿嘅 #魚生刺身 非常吸睛👀 #八爪魚、#帶子、#北寄貝、#三文魚、#油甘魚，仲有 #甘蝦 都非常新鮮🤤 不過最令人賞心悅目嘅梗係嗰半板 #海膽 啦，用 #紫菜 夾住啲海膽，再點少少豉油一齊入口，味道非常甘香🤤 喺小秘書每次幫襯必叫嘅食材🤤🤤定食🍤和風滑蛋吉列蝦 - 滑滑嘅蛋漿，再配上三大隻 #天婦羅蝦，#珍珠米飯 底再配上特製豉油淋喺面，質量同口感都令人非常滿足🤤🐮咖喱牛肉飯拼迷你烏冬 - #烏冬湯底 做得好鮮味，加埋彈牙嘅烏冬一齊入口，感覺好治癒🤤 而 #咖喱牛肉飯 亦都做得好有鑊氣，#咖喱味道 唔會太辣，#牛肉 入口腍滑，連朋友仔都話
第一次中午時段幫襯，原來佢哋嘅 #日式定食 都幾多選擇，我哋先嚟兩個 #定食，再叫咗個 #八品刺身盛盒 同 #小食，一於不飽無歸🤭🤭
#八品刺身盛盒 🐟
滿滿嘅 #魚生刺身 非常吸睛👀 #八爪魚、#帶子、#北寄貝、#三文魚、#油甘魚，仲有 #甘蝦 都非常新鮮🤤 不過最令人賞心悅目嘅梗係嗰半板 #海膽 啦，用 #紫菜 夾住啲海膽，再點少少豉油一齊入口，味道非常甘香🤤 喺小秘書每次幫襯必叫嘅食材🤤🤤
定食
🍤和風滑蛋吉列蝦 - 滑滑嘅蛋漿，再配上三大隻 #天婦羅蝦，#珍珠米飯 底再配上特製豉油淋喺面，質量同口感都令人非常滿足🤤
🐮咖喱牛肉飯拼迷你烏冬 - #烏冬湯底 做得好鮮味，加埋彈牙嘅烏冬一齊入口，感覺好治癒🤤 而 #咖喱牛肉飯 亦都做得好有鑊氣，#咖喱味道 唔會太辣，#牛肉 入口腍滑，連朋友仔都話正呀🤤🤤
小食
🦀忌廉蟹肉薯餅 - 熱辣辣入口鬆化，仲有蟹肉淡淡嘅鮮甜味，搞到我忍唔住食完一嚿又一嚿🤭
🧈牛油焗帶子 - 好香嘅牛油味道，帶子肉質Q彈，連朋友仔都話Very Nice🤭
🐣炸雞軟骨 - 鬆脆嘅炸皮，同勁有咬口嘅 #雞軟骨 夾埋一齊食，惹味得嚟又唔油膩，用嚟送啤酒一流🤤🤤🤤
朋友仔對呢餐都非常滿意，仲讚啲服務員非常有禮貌，同報章所講嘅香港餐廳服務完全兩回事😅 最後仲交帶我下次佢哋返嚟香港，一定要過嚟encore😄
📍七福神和食亭 (佐敦) 彌敦道311-313號1樓
張貼
