影片
更多
2021-12-09
524 瀏覽
呢日同朋友去咗筲箕灣買嘢，跟住就搵餐廳食飯，見到呢個商場一入門口嘅呢間上海菜裝修幾靚，所以我哋就決定食呢間。餐廳會提供四寶茶，係鐵觀音，雪耳，紅棗，杞子，味道非常清新，又唔會過甜，誠意之作。我哋叫咗以下食物：麻辣香炸鳳尾魚($75)我同朋友都好鍾意食辣，所以就叫咗呢個小食，鳳尾魚份量非常多，調味亦都好惹味，鳳尾魚炸得好脆好香口臭豆腐($78)侍應一放上枱已經聞到好臭，真係好正，臭豆腐有四件，每件都大大件，臭豆腐個皮炸得非常酥脆，咬落去豆腐好嫩滑，而且醬汁有甜醬同辣醬，非常惹味小籠包($50)幾乎每次去上海舖都會叫小籠包食，呢度嘅小籠包有四粒，充滿肉汁，而且肉味鮮甜，小籠包個皮夠薄，但又唔會穿，好考師傅技術外婆紅燒肉流心蛋($138)呢碟分量都好多，職員話師傅會用大火炒紅燒肉迫啲油出嚟，咁就唔會覺得油膩， 紅燒肉肉質鬆軟，呢度菜亦都加咗墨魚去炒，墨魚嘅香味會喺啲醬汁度，令到個醬汁昇華咗，墨魚亦都夠彈牙。另外流心蛋都好靚，同時亦都有浸過醬汁，令個味道更加甜之後我哋叫咗個海鮮澆頭麵($98)因為未食過呢個麵，覺得好特別，所以就叫咗，不過原來職員話呢個麵喺上海好普遍。佢個醬汁比較濃，唔係一般嘅
餐廳會提供四寶茶，係鐵觀音，雪耳，紅棗，杞子，味道非常清新，又唔會過甜，誠意之作。
我哋叫咗以下食物：
麻辣香炸鳳尾魚($75)
我同朋友都好鍾意食辣，所以就叫咗呢個小食，鳳尾魚份量非常多，調味亦都好惹味，鳳尾魚炸得好脆好香口
臭豆腐($78)
侍應一放上枱已經聞到好臭，真係好正，臭豆腐有四件，每件都大大件，臭豆腐個皮炸得非常酥脆，咬落去豆腐好嫩滑，而且醬汁有甜醬同辣醬，非常惹味
小籠包($50)
幾乎每次去上海舖都會叫小籠包食，呢度嘅小籠包有四粒，充滿肉汁，而且肉味鮮甜，小籠包個皮夠薄，但又唔會穿，好考師傅技術
外婆紅燒肉流心蛋($138)
呢碟分量都好多，職員話師傅會用大火炒紅燒肉迫啲油出嚟，咁就唔會覺得油膩， 紅燒肉肉質鬆軟，呢度菜亦都加咗墨魚去炒，墨魚嘅香味會喺啲醬汁度，令到個醬汁昇華咗，墨魚亦都夠彈牙。另外流心蛋都好靚，同時亦都有浸過醬汁，令個味道更加甜
之後我哋叫咗個海鮮澆頭麵($98)
因為未食過呢個麵，覺得好特別，所以就叫咗，不過原來職員話呢個麵喺上海好普遍。佢個醬汁比較濃，唔係一般嘅湯麵，醬汁連埋啲麵食非常滋味，麵亦都保持到佢嘅彈性，口感極佳，海鮮亦都非常豐富，有蜆，蝦，魷魚，帶子，另外亦都有好多菇同菜，如果未食過呢個麵，推介大家嚟試一試，感受下上海特色
最後叫咗個甜品
炸芝麻團五隻($45)
我本身好鍾意食芝麻，呢度甜品係炸過嘅芝麻湯圓，湯圓皮好煙韌，外面黑白芝麻又炸得非常香口，達到外脆內軟的效果，呢個甜品非常高質，極力推介，中間流心嘅芝麻亦非常滋味
呢度職員都好好禮貌，亦都不時會講解菜式，埋單先發現原來呢度唔洗收茶錢，不過個茶真係好香，估唔到唔洗收，另外呢間餐廳嘅裝修都好特別，所以都影咗啲相留念，餐具都一樣好靚，令人賞心悅目。呢間餐廳同一般食開嘅上海餐廳好唔同，呢度充滿上海特色食物， 推介大家嚟試一試
張貼
