韓兄弟燒烤

營業中

休息中

見到tvb介紹同有好多明星相就入嚟食燒肉啦，大熱天食燒肉另風味。先食八樣韓國小食菠菜同黃豆芽最好味。菠菜有少少麻油。泡菜同青瓜都浸漬辣嫁，薯仔？以為係，但係大件黃蕃薯，似薯仔口感但帶有甜味。白蘿蔔就酸酸開胃，但薄少少，解辣。特色梅頭肉泡菜湯 fresh pork with kimchi stew配埋白飯，韓劇食法係放落湯，但我地想留啲食燒肉。泡菜湯有啲羅宋湯既味道，偏辣既。但多泡菜又有豆腐配合，唔會水水無味。泡菜都好多，食多菜健康啲。開爐邊係蛋醬蛋同芝士粟米，不過不失。蛋醬有芝士就好啦。芝士粟米溶左好多油呀，但粟米幾有咬感既。精選豬肉套餐包括豬肉眼扒 豬頸肉 豬五花腩 grilled assorted pork豬肉眼扒 全肉比較瘦，嘻嘻。依個包生菜配泡菜最夾。因為豬肉眼扒肉質外軟少少內有口感，但燒耐少少就有啲微脆邊。豬頸肉就有半肥瘦感覺，食落有點oily，但不過份。豬頸肉咬落真係好味既本身，燒一燒就油出哂嚟。豬五花腩最怕怕最邪惡既豬肉種類。佢油肉分佈一層層。燒耐左就會乾身啲，店員幫手燒，所以大部分都ok。豬皮薄左點，但少油啲！肥肉加腩肉食一係飯，一係點醬油碟中間個個燒肉醬汁，似蠟肉味。