影片
更多
2022-05-19
449 瀏覽
呢日plan了去南生圍，所以就搵下元朗有咩好食，朋友話佢識人食過呢間餐廳好高質，就一早預約來吃，Lunch吃Fine Dining，我都真係冇試過。店舖位置好易找，就在圖書館對面，舖頭面積唔大，不過感覺好舒服。午飯是4 course （＄598 per person）:法國康堤芝士配西班牙火腿：芝士同西班牙火腿向來都是絕配，而且做前菜好適合，芝士同火腿鹹鹹香香好好味。燒北海道帶子 手指檸檬 梨醋汁：廚師介紹手指檸檬係一款細小嘅檸檬，而且佢冇一般檸檬咁酸，但有檸檬嘅香味。另外梨醋汁係經發烤嘅梨汁 ，都幾特別，醬汁帶有微酸，好開胃，燒北海道帶子好鮮甜，經過燒後帶有香味。燒日本墨魚 豌豆泥 煙肉汁：呢款菜式好特別，都係第一次試，日本墨魚爽口彈牙，而且燒得好香，切到一條條入口啱啱好，而且面頭加了花瓣，唔止係裝飾，仲食到淡淡的花香味。另外豌豆泥真係好特別，豌豆味道好清新，而唔會有豆嘅青味，同墨魚亦都好配襯，呢個醬汁令人回味無窮。煎熟成馬友魚 雅枝竹醬：熟成牛就有試過，魚都係第一次試，熟成魚提升了魚香同魚油味，比平時吃的魚更鮮味，雖然經熟成烹調會少了水份，但魚肉並不會覺得乾身，熟成亦有另一種風味。
店舖位置好易找，就在圖書館對面，舖頭面積唔大，不過感覺好舒服。
午飯是4 course （＄598 per person）:
法國康堤芝士配西班牙火腿：
芝士同西班牙火腿向來都是絕配，而且做前菜好適合，芝士同火腿鹹鹹香香好好味。
燒北海道帶子 手指檸檬 梨醋汁：
廚師介紹手指檸檬係一款細小嘅檸檬，而且佢冇一般檸檬咁酸，但有檸檬嘅香味。
另外梨醋汁係經發烤嘅梨汁 ，都幾特別，醬汁帶有微酸，好開胃，燒北海道帶子好鮮甜，經過燒後帶有香味。
燒日本墨魚 豌豆泥 煙肉汁：
呢款菜式好特別，都係第一次試，日本墨魚爽口彈牙，而且燒得好香，切到一條條入口啱啱好，而且面頭加了花瓣，唔止係裝飾，仲食到淡淡的花香味。
另外豌豆泥真係好特別，豌豆味道好清新，而唔會有豆嘅青味，同墨魚亦都好配襯，呢個醬汁令人回味無窮。
煎熟成馬友魚 雅枝竹醬：
熟成牛就有試過，魚都係第一次試，熟成魚提升了魚香同魚油味，比平時吃的魚更鮮味，雖然經熟成烹調會少了水份，但魚肉並不會覺得乾身，熟成亦有另一種風味。
燒美國安格斯頂級牛腰肉：
我們點了七成熟，牛肉肉味濃郁，而且份量都多，牛肉亦好厚身。
呢碟菜式最特別係個醬汁，廚師自家調配，比一般配牛的醬汁多了黑蒜和意大利黑醋汁，帶有微酸，想不到與牛肉會咁夾，廚師說這個醬汁煮了三天，不過值得的，因為真的很美味。
拉丁南山咖啡：
呢款咖啡有回甘感覺，亦有咖啡香，我地雖然不是常飲咖啡，但亦唔會覺得苦。
紅莓花茶：
呢款花茶帶有紅莓酸味，好開胃，亦好清新。
呢間餐廳真係好高質，如果節日來慶祝相信更有氣氛，而且廚師不時會與客人交流，感受到廚師的用心，令人感覺渡過了愉快的一天。
張貼
