天澗居酒屋

營業中

休息中

琴日放假同另一半去咗元朗搵朋友，之後就一齊食飯，呢間居酒屋幾有日本feel, 食物都好高質。松葉蟹甲羅燒配鱈魚片 $69蟹甲羅燒好大個，有滿滿蟹膏，撈勻鵪鶉蛋黃同蟹籽一齊食更加惹味。 特選刺身拼 $588賣相好靚，刺身有大拖羅、牡丹蝦、帆立貝、油甘魚等等。大拖羅油脂好重，完全冇筋入口即溶。其他刺身都好新鮮，牡丹蝦好鮮甜，店員仲好好幫我地炸埋個蝦頭食，服務滿分。 七色彩虹卷 $128彩虹卷賣相好靚，以三文魚同油甘魚做主角，層次口感好豐富。海膽汁燒廣島蠔 $98以鐵板呈上嘅廣島蠔有四大件，肉質肥美飽滿，加上海膽醬好惹味。燒物𓏸自家免治雞肉棒串 $38𓏸燒雞腎串 $28𓏸炸黑豚糖心蛋 $35𓏸沖繩黑糖燒菠蘿 $38燒物叫咗幾款，當中最鍾意自家免治雞肉棒串同炸黑豚糖心蛋。免治雞肉棒好有咬口，入面仲有好多雞軟骨，口感十足。而炸黑豚糖心蛋比較特別，用豚肉包住糖心蛋再炸，配埋明太子沙律醬好夾。什錦天婦羅(五本) $118天婦羅即炸熱辣辣，炸漿好薄脆，一啲都唔油膩。海蝦炸得啱啱好，南瓜同茄子亦恰到好處。