影片
更多
2024-02-21
247 瀏覽
雖然門面睇落去樸實無華，無米芝蓮排場，只有一位廚師同店員，但食物質素唔會輸比高級餐廳，自問嘴刁嘅我表示好滿意😻 一人廚師主理，質素穩定，由設計菜單定烹調都係親力親為，絕對唔係連鎖集團copy and paste嘅味道👍🏻👍🏻 ✨6 Course Menu $1088/位✨蟹肉芒果·青蘋果沙律 😍推薦！用青檸醃過既青蘋果、青瓜、刁草、檸檬葉，淨係睇食物配搭已經想像到有幾清新，輕盈，配搭中間一層蟹肉，更添鮮味。✨鴨肝·油封鴨肉·莓子·肉凍 😍😍😍推薦！太驚喜了🥹 完全體會到咩叫齒頰留香，嗰種濃郁同肥美係口腔爆發，令人念念不忘。中間仲有輕微絲絲鴨肉嘅口感，無論味道定係層次都好豐富。先用油封鴨髀拆肉，製作成肉凍，加入梅同梨汁，醬汁酸酸地又帶點微鹹，有減膩之效。✨海蝦·螢光尤魚·肉凍 😍估唔到八爪魚都可以整成肉凍🙈 加入咗櫻花蝦，令蝦味濃咁濃郁。味道有少少似炭烤魷魚，海洋風味十足，亦冇鴨肝凍咁膩，好食！醬汁係用蠔製作而成嘅mayonnaise ，誠意滿滿。✨酸種麵包·熊葱牛油 上枱嘅時候係熱辣辣，最特別係舊牛油，加入熊葱、蒜葉同檸檬皮製作而成，以淡淡蒜味配搭麵包。✨燒法國菌刺蝟菌•咖啡牛油醬•南
✨6 Course Menu $1088/位
✨蟹肉芒果·青蘋果沙律 😍
推薦！用青檸醃過既青蘋果、青瓜、刁草、檸檬葉，淨係睇食物配搭已經想像到有幾清新，輕盈，配搭中間一層蟹肉，更添鮮味。
✨鴨肝·油封鴨肉·莓子·肉凍 😍😍😍
推薦！太驚喜了🥹 完全體會到咩叫齒頰留香，嗰種濃郁同肥美係口腔爆發，令人念念不忘。中間仲有輕微絲絲鴨肉嘅口感，無論味道定係層次都好豐富。先用油封鴨髀拆肉，製作成肉凍，加入梅同梨汁，醬汁酸酸地又帶點微鹹，有減膩之效。
✨海蝦·螢光尤魚·肉凍 😍
估唔到八爪魚都可以整成肉凍🙈 加入咗櫻花蝦，令蝦味濃咁濃郁。味道有少少似炭烤魷魚，海洋風味十足，亦冇鴨肝凍咁膩，好食！醬汁係用蠔製作而成嘅mayonnaise ，誠意滿滿。
✨酸種麵包·熊葱牛油
上枱嘅時候係熱辣辣，最特別係舊牛油，加入熊葱、蒜葉同檸檬皮製作而成，以淡淡蒜味配搭麵包。
✨燒法國菌刺蝟菌•咖啡牛油醬•南非鮑魚 😍😍
推薦！鮑魚彈牙，口感冇得挑剔，配搭鹹香芝士汁同杏仁泡沫，好食🥹 配料係用咖啡牛油煮過既刺猬菇，風味獨特，有獨有既「木」味，就唔算太討好我口味，而我男朋友就好鍾意🙈
✨澳洲龍蝦·龍蝦汁 😍😍
男朋友最推薦菜式！龍蝦口感新鮮爽彈，啖啖肉。而隔離好似薯片嘅就係日本長芋，甜甜同脆卜卜。
✨立鱗燒北海道喜之次(+160) 😍😍
推薦！份量十足，食到呢度真心覺得今餐物有所值🙈 立鱗燒肉質香嫩，魚皮煎香脆口，再加埋蜆肉汁，好飽！但仍然覺得滋味！
✨燒紐西和羊西冷
選用西冷位，嫩同油香兼備，無羶味。蘿蔔變成一層層既口感，食落係蔬菜既香甜，唔錯。
✨芒果•熱情果•慕絲蛋糕(+$168)
蜜糖啫喱好得意，整體酸酸甜甜，為今餐畫上完美句號。跟餐飲品除咗茶類，竟然仲有紅菜頭汁😍omgg love it!!
張貼
