好到底麵家

營業中

休息中

今次黎到呢間數一數二嘅元朗老字號「好到底面家」，一如既往都係食佢嘅招牌雲吞面，雲吞爽口鮮味，從廚房望入去有啲師傅即叫即包，所以都非常之新鮮，亦都好爽口彈牙。相信呢個雲吞麵最大嘅特色其實係喺啲面度，因為佢嘅面係冇鹼水味，爽口唔似得一般係街邊食到嘅面，有着鹼水味。整體而言，呢間老店嘅食物都依然保存水準，值得一提嘅就係充滿着香港老式食肆嘅裝修，食起上嚟充滿風味，以佢嘅面亦都有成品可以買嘅，用嚟送禮或者自己食都相當唔錯！應該對於元朗人來講，呢一間都可以算係由細食到大嘅懷舊雲吞麵舖，呢間鋪係我心目中都代表着濃厚嘅元朗特色。