好到底麵家

我地係差不多晚上7:30去到,佢其實收8點,一心諗住未必食到,點知去到.佢地仲接單.所以就入左去食.我地叫左兩碗雙併.雲吞併豬腳麵,因本人對豬很抗拒,所以我朋友食,聽佢評價,係湯底好正.豬腳好好食,見佢食完仲打包左返淨豬腳返屋企.我叫左牛腩併水餃,牛腩口感軟嫩又帶嚼勁，味道醇厚超正,牛腩滷味湯底好濃,因本人以為水餃係韭菜豬肉先叫,點知係木耳豬肉(本人不喜歡食).所以整體係有受到水餃影響,唔係好鍾意佢…查看更多

近排諸事不順、走入元朗行過大運、先去買份燒腩頭盤、雲吞麵黐的我再去「好到底」個人認為湯底如果與湯底比較的話略欠鮮味、大地魚味道不足、反而湯底內一大陣香菇味道獅子樸兔、湯底相對厚身、湯色有層次、魚與熊掌、各有千秋。蝦子撈麵、麵條自己製造、鹼水味比較少、有蛋香爽滑之餘帶有麵勁、重料蝦子，毫無吝嗇，蝦子味濃郁好味水餃亦是自家製造、由一位年約90多歲的婆婆在廚房內製造的、這道水餃的外皮應該是全香港唯一一間不是用上坊間的水餃皮，而是自家製造出的「燕皮」 、把豬肉蓉剁碎做上一層外皮、豬肉香十足、料足、其做法有如澳門街鳳城水餃「珠記」 遠近馳名的魚皮角及魚皮水餃、但我認為好到底的水餃絕對有過之而無不及、相比之下絕對是一隻Fine Dine 水餃…查看更多

幫親咗咁多年近依一兩年都係失望的，啖湯淡到近乎冇味以往嘅鮮味完全失咗蹤，啲麵一陣梘水味，食到一半連啖湯都有（到底飲梘水定飲湯？）撈麵情況一樣有陣時仲超多油食到成嘴都係。好老實幫嚫咁多年好到底明白嘅，偶有失準絕對會包容亦唔介意一路加價，都係貪佢有感情又就腳麵冇梘水味。依加咁勁梘水味同潮式粉麵舖唔差得遠但唔好唔記得人哋潮式雲吞同水餃用料比你哋優勝好多。。。依家加咗啲豆漿果汁都係多餘，早前仲賣埋青瓜真係多餘中嘅多餘，做好基本出品先講啦。如果問最值得推介嘅係得返南乳豬手，大大隻炆得夠淋充滿骨膠原好好食，同埋盒裝麵。舊舖真係搞唔掂聽日去安寧路分店試下希望揾返之前嘅味道…查看更多

因為第一次唔係叫出名嘅，冇試到名物，所以再嚟會一會。當時係純粹路過(冇做 research)肚餓嚟食，叫咗自己想食嘅伊麵，但過程發現客人多數叫蝦子麵。環境: 中意懷舊(如我)，必推。視覺: 今次食雲吞水餃蝦子撈麵，碟麵一嚟到，好有驚喜，從未見咁多蝦子，多到遮晒個麵咁，好犀利。好少見雲吞同水餃形狀同皮料咁似，可能想做到駌鴦嘅感覺吧，2款雖然冇漲爆嘅大粒，但一致性都係特色。湯上葱花嘅都好足。味覺: 麵好彈好爽，冇鹼水味，滿滿嘅蝦子令香味提升咗。我食食下將D湯加落麵度，oh no，D蝦子被水沖去，由「痴」住D麵變成「痴」住D水，浪費了。雲吞足料，水餃皮薄亦足料。overall 有D重味，所以加支樽裝汽水 balance 一下。…查看更多

今天我在小店裡品嚐了冇鹼水味雲吞麵，真是讓人驚喜！雲吞皮薄餡多，裡面的蝦仁鮮甜可口，搭配上彈牙的麵條，口感絕佳。湯底清淡卻芳香四溢，讓人忍不住多喝幾口。每一碗都散發著家的味道，讓我想起童年在香港的記憶。價格實惠，份量充足，絕對是忙碌一天後的完美晚餐。這碗雲吞麵，值得每位食客來嘗試！…查看更多

去到發現是一間舊式茶餐廳格局，古舊嘅掛扇，這是一間食完就走充飢的餐廳，叫了個蝦子撈麵同埋雲吞麵，我覺得這裏最出色的是他的麵，是彈牙彈牙爽口的，值得專程去試一試，而且它有很細心的剪麵服務，我是從來未有遇過的，讚…查看更多

去博愛醫院探完病後，再到元朗阜財街附近走走医肚， 附近飲食店舖好多選擇。想，成20年都無去過好到底， 就這一間啦 。 入到去有地下和閣樓。見地下人客都多和稍熱 ，便問夥記樓上還是樓下凉些呢。夥記話 ‘’唔知道喎 ，這幾天啲冷氣都係唔夠 ‘’。 算啦，算啦，慣咗㗎喇，唯有死死地氣自己行上樓梯到閣樓。 上到去，地方寬敞，只有兩台食客，冷氣稍為涼些， 舒服好多。 夥記的態度也好好多。坐下叫了一個套餐，細蝦子撈麵+ 1碗水餃雲吞（內有三隻雲吞，兩隻水餃)$80蝦子撈麵到，吓， 嗰碟麵咁少嘅 ,(一住甘多)，男士就唔夠食。鋪在麵上的子都算夠份量，不知是否因為麵少，就覺得蝦多。但當食下就覺得有些腥味，可能是蝦子， 有些少失望 , $80喎, 麵就算幼細, 水餃和雲吞冇特別一般. 我覺得我自己包嗰啲雲吞仲好食. 諗下,諗下,$80...這地區,這環境, 這些份量, 是不是貴咗些呢? 又上了一課。門口的收銀員非常好有禮貌，多謝前多謝後，同舖內地下的夥記好大對比。 不知是否老闆？…查看更多

呢間麵店平日午市都幾多人，好多街坊行過都入來食個麵。坐低留意到都幾多人叫冬菇麵，其次就係水餃雲吞。:)最後決定試吓佢哋嘅冬菇牛腩麵。唔洗等好耐就有得食，冬菇厚身，炆得幾入味，唔錯！牛腩似牛肋條多啲，炆得幾淋，但牛肉和調味都唔算特別香濃，有少少失望。麵條則幼細爽口，唔會話擺一陣就發脹，也沒有鹼水味，加少少醋一齊食係正嘅。因為份量偏少，男士可能要加底。湯底就正正常常。現場見到有顧客專程來外買幾個生麵餅自己煮，果然是老店。聽到外賣麵餅要冷藏保存，感覺都幾新鮮。總括來講都值得一試，下次有機會會試埋魚蛋同水餃。…查看更多

香菇、好麵、好到底和朋友走過大街時突然被這舊式招牌吸引。店名有點熟悉, 記起從介紹香港老店的書中讀過這一家老牌麵家。 走近一看, 原來獲米滋蓮必比登推薦多年。 主打香菇、豬手、福州魚丸和各式自家製麵。店內格局和裝潢都是老牌傳統小店的格局，有字畫和其他中式擺設。地方不小,有兩層之多。樓上有數位外籍旅客在用餐。座位算寬敞。四處都擺了供零售用的自家製伊麵和全蛋幼麵。其間看到有婆婆步進店內買生麵。餐牌中英對照。各種麵食都有例牌和細份。價錢相當合理。我們點了香菇湯麵, 炸醬撈麵和福州魚丸。香菇麵很快就到。趕緊吃一口麵條, 覺得麵條爽口彈牙, 果然名不虛傳。湯底應該是大地魚的清湯。有小許鹼水味, 落了點紅醋便沒問題。香菇吃了一口, 覺得炆得非常軟腍, 味道鮮甜, 口感結實。果然是招牌。朋友點了炸醬撈麵。麵條同樣爽口彈牙。炸醬的豬肉份量豐富，醃得入味, 炸醬甜美，濃稠度剛剛好。上湯亦頗有鮮味。福州魚丸: 口感結實的魚丸內有半肥瘦的豬肉餡, 肉汁豐富，味道濃郁。是不錯的小食。服務員相當有禮, 是一次很愉快的用餐體驗。下次希望坐二樓和試試豬手麵。值得一試!…查看更多

元朗好到底老字號懷舊麵店，今日食咗炸醬撈麵🍜淡淡的蕃茄醬味道🍅酸甜清香，每一口都能感受到肉絲的嫩滑，麵質彈牙爽口，煮得剛好，搭配一碗香濃湯底，更是絕配😜😋湯底香氣濃郁，增添了豐富度和層次。😆這道炸醬撈麵具有濃厚的懷舊風味，彷彿回到了童年時代的味蕾記憶。無論是味道還是口感，都令人滿意。麵店的裝修簡單，是60年代的木桌木椅子，有地面和一樓兩層，一樓的送餐服務非常特別，是在地面用一部小型升降機送到一樓，忘記拍照😆😆…查看更多

今日竹竹去學野，所以又係獨食時間！好耐冇食好到底，但其實佢唔太抵今日介紹佢2款野食，魚丸湯同水餃佢個水餃係魚皮水餃尼餐牌由細食到佢大都係呢個裝修，冇變過有得上去食最中意坐呢d細枱仔！食物升降機淨水餃（黑色係木耳/雲耳）切咗分唔到，好特別好爽口！魚丸湯（驚喜！）係幾好味！🥇裏面啲肉汁好好食！（不過我有點豉油，加胡椒粉）最近無啦啦中意食野加胡椒粉魚丸湯，今日叫$25，因為想食2款野單：埋單$63（一個人食:)）今日獎牌：🥇…查看更多

由細食到大，由事頭婆掌舵到依家一直keep 住有幫襯，好多人話變左，尤其攞左米芝蓮越來越差。最近，我有去幫襯，我碗面未食好，抹下鼻，突然問都未問過我就收走我碗面啦，我咪講我未食完架！！之後只講唔好意思😒，完全食到冇晒心情！！後尾先知，換左老闆，唔怪得知啦🙄…查看更多

係元朗行街見到呢間歷史悠久嘅麵檔而且發現係米芝蓮推介所以好好奇咁入咗去食唔知係咪太期望有點失望點知試左，冇特別想幫襯第二次我覺得稱唔上米芝蓮推介出邊好多好食過佢大把推介叫咗個雲吞豬手麵麵生菜，淨水餃個面好重鹼水味雲吞唔夠出邊鋪嘅彈牙水餃都好一般，仲要比雲吞貴豬手話可以都夠腍不過不失，不過真係稱唔上米芝蓮。服務方面，食得呢啲麵都唔會特別有啲咩期望。…查看更多

啲味變晒質，成個製作方式唔同咗，啲湯同面變晒味。以前啲湯好清而有味道同滾，而家係湯無味....重點係以前嘅無䶨水味..啲面有鹼水味，總之隻味係完全唔同晒，只係保持到爽嘅口感。但啲面已經同其他鋪頭食無分別，有啲難食...之前內地客勁多，為咗做多啲生意，佢哋啲面似係分兩次煮，上到嚟枱已經糊糊地，但起碼保持了面的味道。前排無晒內地客，終於回覆番晒水準，即叫即煮，好味！點知事隔一季，可能係要控制成本，湯變咗，靈魂嘅面條已經變晒。可惜可惜，而家係成碗面唔同晒味。無鹼水味嘅鹼水面本來係好到底嘅賣點，亦係我唯一一間可以食倒無鹼水味面嘅地方，係歷史嘅味道。而家，已經變到同其他大量生產嘅面店無分別，所有嘢粗製，為達至最佳嘅成本效益。而大部份熟客都已經係8，90歲嘅公公婆婆，佢哋自然食唔出有咩唔同。只係喺我問起店家啲面唔同咗嗰陣，佢哋自然自言話係有啲唔同。成碗面喺我面前，但我無半點食慾.啲面完全唔得，啲餃其實還好，係啲皮有啲硬咗。由一碗面16蚊食到變34蚊，結果係咁嘅結局。可能係全香港嘅問題，畢竟食店要達到最大收益，好嘢都只能向錢看，人情味的話，你就想到別想。或許對熟客公公婆婆嚟講，味道不重要，只要有個地點能讓他們想當年就足夠。但對我嚟講，味道才是能讓我懷念的重點。估計不會再來，已經是名叫好到底的其他面店了。…查看更多

這間麵店已經吃了很多遍，每一次都覺得好好吃。麵都是自製的，粗麵跟幼麵咬起來有質感，不會過淋或有鹼水味，豬手和牛筋都燘得夠淋，味道不會過鹹。雲吞和水餃都是每天新鮮包的，特別的是水餃是用上燕皮，內裡放上免治肉、蔥和蝦，饀的材料比例剛剛好，比較像魚皮餃，每次都是必點的🔥…查看更多