雲家小鍋米線 (安寧大廈)

營業中

休息中

元朗馬田呢邊由細嚟到大🤓有好嘢食點會唔知，雲家米線好出名，要食一定要食酸辣湯底！有得揀唔同嘅辣度，酸酸辣辣好惹味，另外小食墨魚頭真係屈機地好食✨雲家米線$61咩餸都有齊，墨魚卷、雞絲、雞翼、腸仔、冬菇、紅腸等等😃啱晒諗唔到食咩嘅人，墨魚卷好大件感覺好抵食。腸仔係煎過唔係就咁白烚，食落更加好味。豬扒小窩米線酸辣 $46小窩米線我更加推介，因為有更加多香辣肉碎同酸菜，我自己本身好鍾意食酸嘢😋酸辣呢個組合好正，豬扒大大件而且都幾厚，價錢唔算貴幾抵食。涼拌墨魚頭$45超好食🌟墨魚頭粒粒都爽脆，份量好多可以夠幾個人share，入邊有好多爆香過嘅蒜蓉，全個小食都好惹味。醬拌皮蛋 $24佢哋嘅皮蛋用咗黃金皮蛋，金黃剔透色澤靚，皮蛋芯軟滑，加咗啲辣油落去好好味。